奧運開幕 TVB 商場造勢 300 市民圍觀 王浩信粉絲:Mirror「冇吸引力」

東京奧運今日(23 日)揭幕,人氣男團 Mirror、Error 中午在屯門市廣場出席 ViuTV 造勢活動時,支持者一早已迫爆商場各層通道,粉絲們不時尖叫歡呼,情緒非常高漲。另一邊廂,無線電視(TVB)傍晚 6 時亦於奧海城舉行宣傳活動,出席藝人包括陳豪、黃翠如、王浩信等,吸引近 300 人圍觀。有不少粉絲舉牌應援,暫時見胡鴻鈞最多粉絲支持,惟現場氣氛明顯較中午一眾「鏡粉」、「404」冷淡。

商場中庭放置了數十個座位讓市民近距離觀賞舞台,一眾藝人舉起「齊撐運動員」的標語,伴隨彩色花炮為活動開幕。

五旬婦:王浩信最有星味 Mirror「冇吸引力」 

今年 50 歲的陳女士下午五時許到達奧海城,到現場支持王浩信,她表示十分興奮,「好開心可以見到佢,我哋啲 fans 又有 gathering,有交流」。

提起王浩信,陳女士滔滔不絕,指自己由《EU超時任務》開始喜歡上王浩信,「我覺得佢係 TVB 最有星味、最有活力、有演技的小生」,又指其演技在《盲俠》、《邢偵日記》等劇集不斷提升,令身為觀眾的她十分投入。

被問到是否認識新一代的偶像,陳女士指有了解,亦聽聞Mirror、Error今日有同類型活動,但她指自己為王浩信的「忠粉」,Mirror、Error對她而言「冇吸引力」。

22 歲少年專一愛陳敏之:就算變老都永遠係我女神 

22 歲男生 DD(化名)為了提早到奧海城霸位,特意調更工作,趕在下午 3 時前到達奧海城。陳敏之步上舞台,DD 與其他十餘名粉絲大聲呼叫「陳敏之!!」。DD 稱過去受疫情影響,有近兩年時間未能見到陳敏之,今日再見他的「女神」,他更情不自已、眼泛淚光,「就算佢之後會變老,佢永遠係我心目中嘅女神」。

作為年輕一代,DD 亦認識香港新一代偶像團體 Mirror,但他認為自己「唔可以太花心」,「我會有分寸咁追星,即係會睇節目,好似《全民造星》,但我唔會去佢哋啲活動」。他續稱,沒有人可以取代陳敏之在他心目中的地位,「就算有個更高級嘅巨星,我都會無視,如果唔係好似好花心」。

編輯推介

    發表意見