立場新聞 Stand News

如果你仍未 ready 罷工,可以答吓呢幾條問題

2019/11/10 — 23:11

立場新聞圖片

立場新聞圖片

已經十一月,仍然有唔少手足對罷工猶豫不決,強制罷工一定無自主自發罷工咁理想,以下問題,相信你可以諗到更好答案。


問:我一個 small potato,罷咗咪順手炒埋囉,好似無乜用囉?

答:首先唔好話自己係 small potato 先,點解老細可以笠亂炒人?乜社會公義唔包括勞工保障咩?如果炒咗你,會引致影響公司生意嘅聲討行動,老細以後仲當唔當黃絲手足係話炒就炒嘅 small potato?仲覺唔覺得政見係重要?

廣告

俾人炒完,返公司聲討,未反送中前已經好多人做過㗎喇!


問:我做嘅唔係關鍵行業,唔似空姐或黨鐵,罷咗會癱瘓到社會運作咩?

廣告

答:就算你嘅工作崗位唔太影響到社會運作,但罷工日會有好多街頭行動,有好多手足隨時傷亡,你罷工上街,可以守護其他打工仔,仲有罷課嘅學生。


問:萬一俾人炒咗打爛飯碗點算,仲要交租㗎喎?

答:其實民間已經開始有罷工基金,不過形式與 6.12/星火有所不同,不同行業、組織可以因應自己情況籌組不同基金互相支援,運動不斷進步有賴於參加者不斷生產、推進,如果你重視經濟支援,不妨在所屬組織(或相約朋友)籌組罷工基金,紓緩彼此的壓力。

勞工組嘅罷工基金參考


問:我唔係工會成員,黃絲同事少、又無罷工經驗,孤軍作戰有得打咩?

答:唔組企業工會,咪組行業工會囉,若然唔組工會,亦可以組織平台,例如 HA Secrets 唔係工會,但喺醫護界都發揮咗好大既運動作用喎,諗諗你工作上或者人脈人可否組織起嚟,用職場經驗、自己專長或者朋友間共同興趣去搵位抗爭,運動好大範圍,再開拓一條新戰線又得,參考其他模式複製玩法又得。

發表意見