立場新聞 Stand News

學校分階段復課有何困境?

2020/9/30 — 9:23

幼稚園高班,中小學嘅一、五、六年級喺剛過去星期三開始復課,而其他班級亦將於下星期二恢復面授課程。復課情況暫時順利,教育局亦一直更新對學校課嘅指引,以保持對疫情嘅準備。但復課後接踵而來嘅,有學生課程嘅進度問題,尤其來年要面對公開試嘅學生,教育局會如何從課程上、情緒上給予支授?另外,教師嘅工作由進行網上教學開始,已百上加斤,相信復課後面對嘅精神壓力會更沉重,局方又會如何協助?

2020年9月26日香港電台第一台 - 政壇新秀訓練班《第七十七集》邀請到教育局局長政治助理 — 施俊輝先生同我地討論:分階段復課支援,期間亦有政壇新秀們就主題向嘉賓嘅提問~~

因應疫情放緩,教育局陸續安排中小學同幼稚園分階段復課。其中幼稚園高班,中小學嘅一年級、五年級同六年級已經喺上周三復課,其他年級喺周二復課。復課安排至今大致暢順,老師可以重新面授課,追趕網上學習造成嘅進度滯後,同時更容易照顧學生之間嘅學習差異。

廣告

但復課亦代表學校需要處理先前遇到嘅困難。早前六月尾復課前夕,有學生懷疑因功課壓力而跳樓輕生,響起學生於疫情期間,因學業問題而面臨精神壓力過大的警號。對於受情緒困擾的學生,學校會提供咩進一步嘅支援?教育局對學校又會有咩協助?

除情緒支援外,有調查就「學校復課安排與措施」進行網上問卷,喺約一千三百個回覆中,有七成半家長擔心子女會喺復課後,因與同學有緊密接觸而引發新一輪傳播,亦有九成家長認同全港教職員參與病毒檢測。教育局局長楊潤雄早前於網上直播中表示,因考慮到涉及人數及規模,而且以往係自願模式去檢驗,所以教育界是否做強制檢測仍要討論。但全面復課在即,決定會否刻不容緩?另外,楊潤雄亦認為教師的政見不應影響教育工作及將意見灌輸給學生,若有所發現局方會採取行動。而喺早前較受爭議嘅通識科,復課後老師與學生討論課程內容時,又如何避免上述情況?

廣告

今日嘅嘉賓曾經喺中學任教,並且喺智庫組織協助研究香港嘅教育政策,目前又係負責教育政策嘅問責官員,佢嘅經驗可以點樣為學校嘅困境指點迷津?今集政壇新秀訓練班,請嚟教育局局長政治助理施俊輝。

發表意見