立場新聞 Stand News

官地識得用 其實好好用

2018/9/21 — 20:14

本土研究社製圖

本土研究社製圖

大家有冇發現,大家住或做嘢嘅地方附近,總會有一啲哋吉咗喺度,圍起咗養草,或者亂咁擺雜物 N 年,唔知用來做乜?原來好多呢啲地都係「未善用官地」,係大家市民都有份嘅。但政府又會同你講,我哋唔夠地起樓、唔夠休憩用地、唔夠運動場(下省 1,000 字),但全港總共有幾多「未善用官地」?喺邊度?可唔可以攞出嚟用?政府當然唔想你知,然後氹你落疊,以為真係無地,令你支持東大嶼人工島、開發郊野公園等等(如果填咗會起公園,難道我會跨區去東大嶼都會打波同安老?!)

明顯,政府成日得個大隻講,話要搞過渡性房屋但又唔幫手搵地、話唔夠社福休憩設施但又會有官地閒置或粗放式使用,話要「一地多用」但卻想劍指灣仔運動場,騰空嚟做起商廈,任由咁多低效使用嘅露天停車場或臨時撥地設施,唔整合佢哋。

本土研究社為咗突破資訊封鎖,花咗超過半年時間,搜尋全港嘅「未善用官地」,發現咗 301 公頃,足足有 16 個太古城咁大,每日只可以養草養蚊或擺雜物同做露天停車場(點解唔做多層停車場?)

廣告

呢啲地,我哋建議有「四大用途」,包括:

(1) 發展過渡性房屋
(2) 興建社福設施
(3) 興建康體設施
(4) 多層式發展或「一地多用」

廣告

潛力估算

過渡性房屋

  • 參考社聯早前一個過渡性房屋項目(0.1 公頃、3 幢三層高、共 90 個單位),即每公頃可建約 900 個單位
  • 假設運用 301 公頃未善用官地當中的三份之一(100 公頃)用作發展過渡性房屋,保守估計可提供 90,000 個廉租單位,相當於現時 9.27 萬個劏房數目
  • 若以現時劏房戶平均住戶人數 2.3 計算,則可容納 207,000 人
  • 既不影響相關用地的長遠發展,亦可快速應對香港迫切的房屋問題

社福設施

  • 根據政府《安老服務計劃方案》估算,全港至 2046 年需增加社區照顧及院舍照顧各 6 萬個服務名額
  • 若要滿足以上需求,以保守八成實用率計,所需建築樓面面積約為 207 萬平方米
  • 參考《建築物(規劃)規例》,樓高不超過 24 米的單幢式安老院舍可以最高住用地積比 4.2 倍興建,提供 207 萬平方米建築樓面即需要 50 公頃土地
  • 本研究發現的 89 公頃規劃為「政府、機構或社區」地帶的未善用官地,只需撥當中約一半的 50 公頃,已足夠《安老服務計劃方案》估算的未來三十年服務需求
  • 參考同樣位於鄉村式發展地帶的北南丫普通科門診診所為例(面積約 0.05 公頃)
  • 若然運用三份之一位於鄉村式發展地帶的未善用官地(約 10 公頃),則可興建 200 個相當規模的醫療或社福中心,解決鄉村居民的基層醫療及社會服務設施不足問題

康體設施

  • 根據《香港規劃標準與準則》,現時需要額外 9 至 43 個體育中心
  • 若以《香港規劃標準與準則》所定的地盤面積 0.6 公頃標準計算,運用 30 公頃未善用官地,即可興建 43 個體育中心,解決現時各區康體設施不足問題

多層式發展或「一地多用」

  • 政府應該將這些低效使用的臨時撥地設施整合,或以多層發展模式整合現有露天停車場,騰空市區珍貴土地資源,落實真正為民所用的「一地多用」

 

📍「雪藏地」公開資訊地圖
📃「雪藏地」列表
📒《隱藏選項:香港臨時使用及閒置官地研究》完整報告及行政摘要 

💰本土研究自主 需要你參與月捐計劃

本土研究社 Facebook

發表意見