立場新聞 Stand News

一位專科醫生對疫情的觀察:一更捉到 4 病人無即時報去過大陸

2020/1/26 — 17:12

【文:問問Dr Friend - 長頸鹿醫生】

啱啱放工, 今日第一日喺疫情明顯惡化之後再返戰場,以前線第一身一點分享觀察同 update

1. 情況變化好快, 資訊好亂。 我返緊工 realtime 不斷轉guideline ,下線好難跟。 我睇唔夠兩個症又要睇what's app 睇下而家啲case 要擺邊之類。

廣告

我相信唔少醫院都有呢個情況。

亦引證咗陳沛然議員日前提到唔少前線反映資訊轉動太快好難跟嘅情況 (例如 CHP reporting criteria)

廣告

不過轉得快我唔覺得係壞事,呢樣代表反應快跟得貼, 幾時都好過反應慢。醫護人員會辛苦啲啫要追車

2. 唔好對申報機制抱太大期望。 唔靜止同我之前預計一樣,直情係比我估嘅仲要差。

我一更睇二、三十個病人
竟然比我捉到4個病人, 喺分流時無講話返過大陸
入到嚟我專登再問多次,呢4個人都閃閃縮縮答其實有。
唔係去武漢,係其他大陸城市
亦有啲係睇啲唔關傷風咳發燒嘅病嘅(即係就算有返個大陸都完全無問題)。
亦。唔。係。大。 陸。人 ,有香港人
驚嘅係「我驚我一講會比人捉去驗」。

我嘅人肉觀察同結論係:
- 更加唔駛期望申報機制, 唯一有少少用只係 contact tracing 。連香港 local 人都閃閃縮縮咁大家諗到extend 申報有幾大作用

- 我對限制旅客入境(大陸疫區,起碼),亦即封關嘅 incentive 大咗。 因為其他measure 效果比預期更細, 要用啲strong measure 去補足。
(不過又唔好再問我封城, 又再重覆講過講到嘔血, 請自己睇返之前嘅post

3. 今日公佈嘅措施, 就住醫學上傳染病控制嚟講,係正路嘅。不過未有比 standard 向上加強。

喺前線工作咗一日行呢啲 measure , 我就會感到有需要加強。
大部分人針著嘅都係兩樣主要
-全民帶口罩 。 喺街今日見口罩率偏低, 可能7成?
- 限制入境

對於記者會我有一樣嘢好困惑
梁卓偉教授 提到唔做限制入境,防疫嘅工作應該based on science 而非政治嘅因素

🤔
佢正正同我所學到嘅,同我封城個post提到嘅啱啱相反😂
唔做 限制其他國家地區嘅人入境, 通常係因為政治同國際關係嘅因素喎。
若果從 science 嘅角度,限制入境就算唔可以百份百阻止case 流入, 都一定有大幫助㗎喎

真係呢.........唉
你唔做都係我預計範圍內,不過唔好用個咁嘅原因吖。
同個女仔傾通宵電話,去到臨收線先知打錯,好hurt 㗎嘛

4. 醫護罷工迫駛政府封關....
我返完今日工之後,incentive 大咗。

不過由於我嘅專科嘅關係,我唔可以罷工。
今日依然有好多真係有急切需要嘅病人睇我。香港人,非香港人,老人家細路
急症係唔停得嘅。

不過我絕對支持non emergency嘅同行考慮罷工 💪 你幫埋我罷,我守住個前線檔口

Reporting係咁多
我真係好攰,又追車又覆msg

作者 Facebook

發表意見