立場新聞 Stand News

市民頻撲買物資 政府懶理嘆慢板

2020/4/19 — 13:52

立場新聞圖片

立場新聞圖片

【文:Yoko】

「以前邊度有人買呢啲酒精紙㗎!點估到前排會周圍都揾唔到?」阿梅口中的「酒精紙」,就是對糖尿病患者來說稱得上是生活必須品的酒精棉片,”alcohol pad”。

阿梅的丈夫是糖尿病患者,打針食藥是每天必須要做的事情。沒想到一場疫症來襲,在奉行「佛系抗疫」的政府領導下,市民人人自危,掀起一場盲搶物資浪潮,連一塊小小的酒精棉片都「有殺錯,無放過」。

廣告

「嗰陣時真係驚㗎!大佬!啲針真係日日都要打㗎!無酒精紙點得呀?我又唔知揾邊個幫手,咪打俾區議員咯!好彩有好心人捐咋!如果唔係都唔知點算。」阿梅說來猶有餘悸。讓香港人活得如此折騰,誰之過?

「屋企啲口罩都係區議員俾嘅!我哋點去買呀?幾百蚊一盒!夠我哋食好多餐咯!之前咪唯有出少啲街囉!留返啲口罩去覆診拎藥嘅時候用。要計住啲口罩仲有幾多剩㗎!如果要落街買餸呢,就一次過買定幾日嘅,買啲瓜呀蕃茄嗰啲,擺雪櫃可以擺好耐㗎!咁咪可以落少啲街,慳住啲口罩用咯!其實點解政府無口罩派俾我哋嘅?幾個都好呀!」阿梅的提問,相信亦是很多香港人心中的疑問,可惜至今仍未有答案。

廣告

「本來過年前都有啲清潔散工返吓,依家乜都無咯!之前成日驚呢樣無嗰樣唔夠,個人都無晒心機啦!依家呢,你想返工都無得返!不如少啲出街好過啦!唔出街咪唔洗嘥錢買口罩咯!」阿梅語帶無奈,「希望呢個肺炎快啲搞掂啦!依家藥房啲口罩都仲係好貴,唔捨得買呀!」阿梅的願望,也是香港人的願望,何時才能願望成真?

 

發表意見