立場新聞 Stand News

從防疫看香港的軟實力

2020/3/27 — 20:33

呢個時候非常值得去講香港的軟實力。

當中國、西方,都係靠國家力量去防疫,香港相對成功的防疫就變得非常獨特。

香港有一個廢的政府,唔廢的時候就係貪污。(好啦,都有做得好的地方。夠快停課、早期就停政府部門上班,都係好。暫時肯信肯尊重專家,不過呢點都要靠公民社會撐住。)但香港人都明,其實係市民自發做好防疫最緊要。

廣告

戴口罩,勤洗手,減少外出、社交(雖然仲有好多人喺街,但比起正常係少咗),盡量 WFH。仲有一齊鬧啲唔守規矩的人,或為無能力保護自己的人提供協助。公民社會、商業運作,全球搵口罩,自行研發及製造。全部都同政府無關。

呢個就係香港模式,既唔依賴國家,但亦唔係個人化。呢種市民自主自發的合作與能動就係香港防疫成功的關鍵。甚至香港政府之能做出好多防疫政策,亦建基於公民社會對專家專業判斷的信任。係市民整體表現出的抗疫意志容許以至帶動政府防疫。

廣告

香港的公共領域,公民社會,表現出社會整體對自己福祉與管理的責任感。呢點放諸世界,都係水平甚高,並且非常有效。

好啦,其實台灣都唔錯,但人地個政府勁吖嘛,所以唔見得係公民社會一枝獨秀。香港就好覺囉。

 

(標題為編輯所擬)

作者 Facebook

發表意見