立場新聞 Stand News

恭喜你老鼠

2021/2/12 — 17:02

作者 Facebook 圖片

作者 Facebook 圖片

恭喜大家,捱過庚子鼠年,全球都想講句 X 你老鼠。

你老鼠,啲學生成年無著過校服。
你老鼠,啲食肆成年都無啖好食。
你老鼠,啲體育教練成年都無工開。
你老鼠,球場唔俾踢波俾搞花市。
你老鼠,日日見到好人坐監,壞人作惡橫行。
你老鼠,日日唔係宣誓就搞教師。
你老鼠,朝早返工夜晚封區,瞓都無得瞓。
你老鼠,口話愛國,仔女移哂民仲要開移民公司。
你老鼠,幾萬億喺庫房,窮過西都唔派錢。
你老鼠,俾人跳老舞唔俾搞選舉。
你老鼠,趕走民主派議員,剩返啲廢柴倒錢落海。
你老鼠,本來有兩本護照,而家得返一本。

過去一年,大家都在如此惡劣的情況下生活,仲要三日唔埋兩日見到條打壞毒婆狗噏,700 萬人要陪佢癲,問你死未。過年流流,好多人都話唔好講咁多唔好嘢,開心返一日。頂你,年三十晚開電視見到條打壞,恭喜你牛年行好運,等如做緊喪事有人著紅色旗袍弔唁。

廣告

大陸化的日常

2020 年,香港與大陸全面接軌,法制、正苦行政,差不多與大陸一樣。很多人說中資好有錢,好有規模,其他國家針對中資,怕與中資競爭……下刪 1,000 字。中資唔好講質素與水平,基本上出糧準時都做不到,十萬一個月又如何?今年過年,有朋友在中資工作,到年三十也未出糧,仆你個街,講乜嘢中國傳統,封利是都無錢。

廣告

舊年新年,一早啲醫護叫封關,搞埋罷工都唔理,啲含家剷保皇黨狗賊又話要拉又要殺,而家封到年二十九,你班賤人唔出嚟幫啲街坊講兩句,返唔到工,猶如殺人放火。社區組織協會個彭鴻昌同埋條醫生走出嚟話人罷工,而家人人都受影響,彭鴻昌你死咗去邊?唔出聲?而家申請公屋有百份之二十係新移民,搶哂香港人啲資源,大把香港人同中產失業呀,你唔出聲?

仲有條死人地鐵,無端端整條大陸支付系統,用八達窿一嘟就過,用啲咁嘅死人支付系統,慢過萬金油,去過七仔同 OK 就知,浪費你十秒是常識。平時啲天才同高貴女士,張八達通放喺袋死都唔攞出嚟磨機,都可以放聲鬧佢,而家返工真要預埋啲「高質支付系統」,本來極速趕返工,而家閘口塞過紅隧,放棄地窿是常識。

初七有堂食好似皇恩浩蕩,要啲舖頭整個「濕鳩出行」先准入去,以前殖民地時代,華人與狗不得進入高級餐廳,而家放個死人二維碼喺門口要你掃描先准入,好彩老豆老母死得早,唔識用手提電話邊度都唔駛去。遲早去拜山、入殯儀館、同情夫 / 情婦爆房、睇咸戲都要掃描,問你死未。

辛丑和約現代版

今年是辛丑年,120 年前,中國與八國簽下辛丑和約,賠款 4 億 5,000 萬両,2021 年,相信香港市民也要面對同樣的果局。未來一年,在正苦的「英明領導」下,庫房肯定倒錢落海,大部份中產也開始出走,樓價還可以維持?香港的交稅人口會上升?各大跨國銀行企業撤出中環,北水還有力支持?一間又一間中資出現問題,經濟會不爆煲?2020 年大家坐穩,辛丑年更加要坐穩,今年的動盪肯定是前所未有。

2003 年沙士後,自由行引入,根本只惠及部份行業,經濟只是表面復甦,整體的社會經濟型態走向單一,自由行帶來的地區問題、城市擠擁由整體香港市民承受。2020 年一場疫症,藥房不行了、名店不行了、吉舖處處。過去沒有自由行的日子,香港經歷多次股災,都能調整反彈,是基於良好的政府施政。現時正苦的班子,沒有字句比「一事無成」更貼切形容。以往拜年,通常講恭喜發財,今年拜年,真係講句恭喜你老鼠!

 

作者 Facebook

發表意見