立場新聞 Stand News

房屋政策你點睇?

2020/11/23 — 22:13

住屋問題,一直係香港人出生後就要面對嘅難題。樓價及租金持續高企,但喺疫情下香港經濟復甦遙遙無期,青年「上車」會否難上加難?公屋嘅供不應求,輪候時間長,尤其對於單身人士更係要「同間屋鬥長命」。喺「上樓」前,租住劏房,租客與業主間嘅租管問題,亦屢見不鮮。究竟政府喺呢方面可以點改善?政府對香港青年,尤其係弱勢嘅一群,會有咩津貼或計劃以作支援?對於有聲音對政府處理棕地、「套丁」力有不逮,當中政府嘅「力」係點用,會否「用錯力」呢?

2020年11月21日香港電台第一台 - 政壇新秀訓練班《第八十五集》邀請到運輸及房屋局局長政治助理—符傳富先生上到節目,同我地分享與討論:房屋政策,期間有政壇新秀及來自基督教香港信義會社會服務部嘅一眾青年就主題向嘉賓提問~~

香港人置業難,全世界都知。根據國際公共政策顧問機構Demographia的2019年全球樓價負擔能力報告指出,香港已經連續第10年成為全球最難負擔的地方,一般家庭需要20.8年不吃不喝不消費,才有足夠金錢付首期。想租樓?租金都唔見得「平」!綜合多個財經平台的報導,今年6至8月私樓租金仍有百分之3.6升幅。為何在香港,失業率高企百分之6.4,失業大軍有約25萬人嘅時候,樓市反而好似完全無受影響?年青人面對這樣的經濟環境,要安居樂業,會否只是「發夢」?

廣告

想排公屋,根據房委會資料,如果你是18歲的單身人士,要上到公屋,最快要31年之後!正如俗語話:「要同間樓鬥長命」!如果考慮住在過渡性房屋,根據2019年11月20日立法會文件中顯示,政府於未來三年,最多只推出到一萬個過渡性房屋,對舒緩基層住屋壓力,可能只係有勝於無!

政府經常表示「土地供應不足」係造成樓價高企之原因,但根據本土研究社的調查顯示,香港有約1023公頃棕地,未納入任何發展計劃,足足相等於政府聲稱未來三十年 1,200 公頃土地短缺的 百分之85。為何政府仍不處理棕地?既然有土地收回條例,為何不大力闊斧收地?反而仍希望「硬推」明日大嶼?面對現時的房屋規劃,未有租金管制,「屈」於劏房,會否是香港人的「唯一」選擇?今日我地邀請到運輸及房屋局局長政治助理符傳富,同我地一齊傾傾!

廣告

支持青年發聲,歡迎追蹤《香港電台第一台》面書專頁

發表意見