【捕殺野豬】稱野豬習性已改變難驅趕 漁護署長﹕研擴展禁餵區及提高刑罰

漁護署自上周五 ( 12 日) 起,宣布把在市區出沒的野豬捕捉及人道毀滅,之後在深灣道捕殺 7 隻野豬引起爭議。漁護署長梁肇輝指已預期市民有不同聲音,但措施是為了保障市民安全。梁肇輝指市民常在野豬滋擾黑點餵飼,但執法及教育要長時間才見效;又指考慮擴展禁餵區及提高刑罰,但被問到能否直接全港都禁餵野生動物,他指雖然理論上可以,「但可能有啲地方,是否有我哋未知嘅因素,會令到佢原本應該可以做嘅,但係不能做呢」。

漁護署長梁肇輝今出席《講清講楚》節目,首先引述數據,指野豬滋擾黑點的數目現時大約有 60 個,有部分屬嚴重,「去到 4、50 隻,每日都落來,對市民及道路使用者構成好大威脅」。他指由 2011 年至今年 10 月,共有 36 宗野豬傷人,當中 30 宗是 2018 年至 今年 10 月發生。36 宗傷人案中,有 16 宗是野豬問人取食物或者因為有人餵飼,而令他人受傷,有 6 宗是因有人或狗隻追趕,令野豬突然受驚作攻擊行為,另外 7 宗是野豬未知原因走入市區。

漁護署暫棄絕育措施    「畀咗好多時間、成效追不上」

事實上漁護署早有另一措施,由 2017 年開始為野豬「捕捉、絕育、放生」,期間遷移 800 隻野豬,亦為 450 隻野豬絕育及避孕,梁肇輝形容「畀咗好多時間,但成效真係追不上,嚴重黑點 60 個仍然維持」。他又指這數十個黑點的野豬,「習性已經改變哂,唔係一般自然環境嘅野豬,所以你話點樣驅趕番上去,佢係會走番落來」。 

正考慮擴展禁餵區

梁肇輝又指署方正考慮擴展禁餵區,至現時沒有未列入黑點的地方,亦研究提高在黑點餵飼的刑罰,希望增加阻嚇性。

被問到會否直接列全港都禁餵野生動物,梁肇輝就指「理論上可以咁做」,「但可能有啲地方,是否有我哋未知嘅因素,會令到佢原本應該可以做嘅,但係不能做呢」,唯他未有在節目解釋所講的是何種因素。他又指亦要詳細考慮有關政策的執法策略,因為人的餵飼行為是不定時的,「佢哋好叻,你去捉佢,可能佢轉到第二個時間地點」。

梁肇輝﹕用食物誘捕絕對有需要

梁肇輝出席節目後,被問到以麵包誘捕野豬,再射麻醉槍的做法是否恰當,他強調「用食物誘捕絕對有需要」,做法理性。他指野豬在山邊晚晚都會下來,「呢啲就是我哋要移除嘅目標」。梁肇輝解釋,是用麵包或食物,令野豬去指定地點再施放麻醉槍,否則在其他地方施放的話,野豬如果走出範圍就會構成危險」。

編輯推介

    發表意見