立場新聞 Stand News

接受港台《鏗鏘說》訪問 羅致光承認全日禁堂食令前 無考慮戶外工作者

2020/8/21 — 13:16

圖片素材來源:《鏗鏘說》片段截圖

圖片素材來源:《鏗鏘說》片段截圖

政府上月實施食肆全日禁堂食惹民憤,兩日後收回決定,恢復食肆日間堂食。勞工及福利局局長羅致光早前接受港台節目《鏗鏘說》專訪,承認實施全日禁堂食令前,並無考慮戶外工作者或大受影響,直到實施首日下大雨,「大家就知原來係有咁多......咁多(人)」。被問及會否因此感到「內疚」,羅致光沒有正面回應,僅稱「自己點解會諗唔到呢」。

羅致光專訪將於今晚在港台播出,鏗鏘集 Facebook 專頁昨晚上傳專訪預告。預告片段中,主持人先問及過去十四個月,眼見「社會情況一直亂落去」、看到種種新聞片段時有何感受,羅致光稱「同香港人感受一樣,唔開心囉,見到社會撕裂,撕裂情況唔止係政府與反政府關係,而係去到家庭、朋友」。

主持人追問羅致光對社會現況有否感到「內疚」,羅致光眉頭一皺,稱自己以至政府、每位主事官員都有責任,「任何做唔好嘅嘢,我都有責任,當然撫心自問,每次做決定時,我哋係咪以自己最佳選擇嘅角度去做一個決定?」雖承認有責任,但羅致光表示,不會以「內疚」形容,「有時會覺得自己好蠢」、「咁都諗唔到?」。

廣告

實施全日禁堂食 無考慮到戶外工作者

羅致光接著主動以全日禁堂食令為例子,指在決定實施禁堂食前已有人討論,「從來冇人提過室外工作同清潔工」,「我哋真係冇諗過,但到當日落雨,吖,大家就知原來係有咁多……咁多(人)……真係無考慮到呢樣嘢」。至於會否對此感到內疚,羅致光沒有正面回應,「當然我會話其他人無提我,但責任喺我哋度,我哋諗唔到,個責任就係我哋身上,唔可以賴人點解唔話畀我聽」。

廣告

除了羅致光外,之前食物及衞生局長陳肇始接受有線電視專訪,亦提及全日禁堂食令,指市民被迫當街吃飯不理想,「如果日間禁堂食,基層市民原來無地方食飯,呢個情景當然好唔舒服。」她解釋,「我們(當初)覺得,可能好多人都可以在家工作,但原來禁堂食先發現好多人仲要返工。」陳肇始強調,政府已即時更改政策。

 

發表意見