何桂藍

何桂藍

前《立場新聞》記者、英國廣播公司(BBC)多媒體記者。「若不在香港自由,則自由又有何義。」Facebook:https://www.fb.com/gwynethhokl

2020/7/27 - 22:54

政府抗疫不力、支援不足 點撐住黃色小店?

作者製圖

作者製圖

抗疫無能、死不封關嘅港共政府,一刀切禁止全日堂食,但無進一步支援措施,受影響最嚴重嘅一定係小店。

大型連鎖集團接受政府的保就業計劃資助以千萬元計,又可輕易透過銀行借貸周轉,小店缺乏周轉渠道,本身已經難捱,政府嘅支援又難申請,喺咁嚴峻嘅環境,仲要增加小店嘅行政負擔。

須知道,政府雖然有將飲食業納入防疫基金以及保就業計劃,但申請手續上就處處留難小店、尤其黃店:

廣告

❌ 食肆須提交經執業會計師簽發的證明書,列明員工人數及薪金總額,未收到資助就已經要洗一筆上萬計嘅會計費用。(好彩有香港會計手足工會幫手咋!)

❌ 基金係落「持牌人」袋,但好多小店東主本身只係租舖連租牌,持牌人係業主。基金被業主申請咗袋袋平安,真正營運食店嘅人一分錢都攞唔到,例子屢見不鮮。

❌ 好多小本生意,都不在基金支援之列,包括美食廣場的小舖位、飲品舖、甜品舖。眾所周知,呢幾種食店係黃店集中地。

防疫不力係政府責任,但承受惡果嘅就係小店東主。

點樣喺抗疫同回復經濟活動之間取得平衡,係全世界嘅政府都做緊嘅事,但偏偏香港政府就一味打沉香港嘅經濟活動;政府必須承擔抗疫政策對飲食業,尤其是小店的嚴重影響,推出即時的支援措施,包括 —

👩🏼‍🍳 直接向經營者提供資助,杜絕「持牌人落格」
💵 為不同種類食店代繳本月租金(設上限),即時紓緩小店周轉壓力
💰 為飲食業提供擔保,由銀行提供免息貸款,補充現金流

不過大家都知,等得政府嚟或者已無力回天。喺呢個艱難時期,香港人一定要繼續撐住黃色經濟圈,唔好畀政府嘅無理政策,打沉一直同我哋共同進退嘅黃店!

🍱 多多幫襯黃店外賣
🛵 唔好叫熊貓、袋鼠啦,記得搵各區嘅「黃色外賣專線」,先可以搵到黃店地圖上冇顯示的黃店!新東嘅話,將軍澳、大埔、沙田、火炭都有「黃色外賣專線」可以叫!

 

作者 Facebook