立場新聞 Stand News

政府防疫無能ㅤ苦了清潔工人

2020/3/30 — 18:51

作者 Facebook 圖片

作者 Facebook 圖片

今朝同清潔工會嘅同事去咗垃圾站派口罩俾前線嘅清潔工友。

我唔敢想像佢哋要竟然要單靠咁嘅裝備就來往同清潔街道、垃圾站等咁高危嘅地方。

食環署一日只喺提供一個口罩畀清潔工,而外判嘅防治蟲鼠組更加連一個口罩都無,只係由外判公司一個月提供 50 個口罩畀 6 個工友一齊分。就算有口罩,但又唔夠搓手液或者其他防疫裝備,試問聲呢個情況下,做清潔嘅朋友仲可能安心工作咩?武漢肺炎肆虐之下,社區衛生嘅工作比起以前加重好多,但清潔人手無增加過,工作量大咗。林鄭你真係好意思話自己「同心抗疫」?

廣告

裝備唔夠,只得一個單薄口罩嘅情況下開工,佢哋其實真係「搵命搏」。外判嘅工友,人工本身較低都已經唔合理,但呢個政府竟然連口罩,防疫呢方面都推卸責任,簡直不知所謂。

最近林鄭月娥頻頻開記招講自己幾咁努力做好防疫,但連派口罩,買口罩,派抗疫津貼都咁混亂嘅時候,你又有咩資格去領功呢?

廣告

 

作者 Facebook

發表意見