人在中環 - CK

人在中環 - CK

我係一隻又笨又固執嘅豺狼。著有《人在中年》。

2020/3/12 - 18:13

有一種課叫「唔好隨便笑 9 人 overreact」

猶他爵士 (Utah Jazz) 中鋒戈貝爾 (Rudy Gobert) 在爵士練習後記者會,曾故意觸碰所有記者的收音咪,表達自己不怕武漢肺炎。圖片來源:twitter片段截圖

猶他爵士 (Utah Jazz) 中鋒戈貝爾 (Rudy Gobert) 在爵士練習後記者會,曾故意觸碰所有記者的收音咪,表達自己不怕武漢肺炎。圖片來源:twitter片段截圖

人生嘅課堂入面,其中一課最深刻嘅,係「唔好隨便笑 9 人 overreact。」呢樣嘢,經常像個回力鏢,好邪的。

overreact 有兩種,一種係純粹出於智力同常識低下,非理智的。大部份嘅過度反應,表面上睇都傾向似係呢一款,如果唔係,你都唔笑 9 人啦。第二種嘅過度反應,係出於極端嘅小心。overreact 嘅人,明知所做出嚟嘅保護動作,有機會係 over 晒真實需要,但係 1) 礙於對實情嘅掌握不足;與及 2) 對未來事情嘅走向不能判斷;仲有 3) 就係萬一錯判事情的話後果不能承受;所以寧願反應大一點,都要確保安全。

這種過度嘅反應,你可以唔認同,但呢種反應其實有許多理智成份在內。這個反應,係經過認真計算嘅結果 … 甚至係理智到,明知會比你笑 9 佢都唔介意。

廣告

會出現第二種反應嘅,好多都因為之前痛過,受過傷,知道一切都不能掉以輕心。就像經歷過 2003 年嘅香港人一樣。西方世界冇見證過當年嘅慘烈,於是在他們眼中,我們都在 overreact。然後,近幾日發生在歐美的情況,已經係後話了。

香港政府話自己抗疫有功,有幾大功勞,還是因為港人自己懂得嚴陣以待,大家心裡有數。抗疫做得更好嘅係台灣。共通點係乜嘢?會唔會係大家對住根源來自某個大國嘅問題特別有戒心?民眾對從這個大國傳過來的危機嘅反應都特別 over?

一個星期前,歐美各國都好老定的。生於憂患死於安樂,自信同老定往往容易有代價。今天一覺醒來,NBA 都停賽了,成個意大利都封閉起來,歐洲人突然去唔到美國,就連遠在南半球嘅 Forrest Gump 也打開了一盒意想不到的 chocolate。

然後,習近平去武漢視察,大陸官方話,香港昨日確診數字仲多過湖北,好快就會有返武漢到香港嘅直航機了 … 大家感謝咗党未?

攬炒,真係唔係講玩的。

#冚球剷

作者 Facebook