葉朗程

葉朗程

一個自稱「IFC 張智霖」的 private banker,一個又一個浪漫與惡俗的中環故事。 www.facebook.com/marcusyiphk

2021/2/17 - 13:11

有人做了不該做的事,就要出聲

Photo by Luis Quintero on Unsplash

Photo by Luis Quintero on Unsplash

像 Green Book 那樣的種族歧視情節,不是看了陳思銘那篇文章,也不知道原來在二十一世紀的香港地還會發生。

//兩個月前,我同另一位朋友 Jason 一齊光臨足球會。Jason 已婚,不過嗰日佢太太遲 D 來,咁 Jason 就拖住佢個兩歲細路到先喇,身邊有位菲律賓女士 Isabelle。

亦係在球會門外,同一位高級食 Q 大哥,急步走向 Jason 一眾人,黑起面,高聲向着 Isabelle 呼喝 :請你記住,我哋個會雖然俾僱傭入場,但任何賓妹唔可以為會員或賓客 perform duty。//

看完以上內容,其實我都半信半疑,所以立刻向同樣是足球會會員的朋友查證,很想知道今時今日的所謂私人會所是不是真的會有這樣的 by-laws。「係呀,佢哋畀工人姐姐入嚟嘅,但工人姐姐唔可以餵我小朋友食飯囉,因為工人姐姐唔可以喺個 club 裏面 perform duty 嘛。我瀨過嘢啦,啲職員真係會走埋嚟話我哋㗎,不過職員好禮貌嘅。」

廣告

咁係咪中國籍嘅所謂工人姐姐都唔可以 perform duty?

「應該就係喇,咁但係個 club 見到中國人唔會出聲啦,佢哋都唔會知嗰位係工人姐姐。」

你又知?

「試過啦,嗰陣請陪月嘛,陪月姨姨係中國人,喺個 club 裏面餵我小朋友,都冇人出聲。」

算唔算係種族歧視,冇會員出過聲?

「唔知有冇喎,不過可能 Football Club 高層要咁做都冇辦法呢。有啲高層都唔 buy 咁嘅 by-law 㗎,好似 Tony Sealy 咁,營運主管嚟㗎,真係有人情味,又多人服佢,可惜未坐正,話唔到事。」

人家放下兒女家庭,飄洋過海到香港工作,就算不獲得掌聲,至少應該換來尊重。如果真是有組織帶頭訂立一些奇形怪狀的規矩去刁難別人,影響人家的自尊心,實在是十萬個要不得。

地球很危險,不是因為有人做了不該做的事,而是有人做了不該做的事之後,沒有人出聲。

誰是誰非都好,必定要出聲。

作者 Facebook

(標題為編輯所擬)