立場新聞 Stand News

有冇人知呢啲幾層樓高嘅「We Fight the Virus」Banner有咩用?

2020/3/5 — 16:36

有冇人同我一樣諗唔明掛到十八區都係,幾層樓高嘅呢啲「We Fight the Virus」Banner有咩用?

呢個政府有冇心同香港人一齊抗疫,我地有眼睇架,唔係你掛大大張banner係度話自己有做嘢就係有做嘢架。

同一個Banner位,你可以擺抗疫資訊,簡單提下巿民咩時候要潔手、洗手正確步驟、沖廁要蓋廁板、如何正確使用口罩,你就偏偏整個大而無當嘅四隻字係到。

廣告

最好笑係下面個網址,「更多防疫資訊」?你呢度其實提供左咩防疫資訊?咁鬼大張banner,我攞呢一千蚊買口罩買酒精都好過呢啲拙劣公關技倆。日日見到我身邊啲區議員朋友為左一盒兩盒口罩搏哂命撲,然後個離地政府係度玩玩下真係好無奈。

唯一解釋,呢個官僚政府體系做嘢真係唔用腦。有人諗到呢啲巨型banner對抗疫有咩貢獻真係please enlighten me。

廣告

作者facebook

原文無題,題為編輯所擬

發表意見