立場新聞 Stand News

棕地大縮水 填島大科水

2021/2/25 — 12:52

圖片素材來源:作者提供

圖片素材來源:作者提供

財政預算指會繼續強推明日大嶼到下半年開展「公眾諮詢」,但棕地發展就幾日前靜靜雞發佈左 8 塊短期收地既邊界(註一),睇清楚原來同財政預算一樣齊齊大縮水!

其實政府之前承諾短期收棕地 8 塊地,當中有 7 塊都已經在一年前公佈左邊界,但呢幾日公佈餘下最大塊嘅「屏山北」棕地群(藍色,共 18 公頃,包含 9 公頃棕地)既收地邊界個陣,俾我地我地發現左條界完美避開咗另外約 9 公頃新世界相關嘅地段(綠色,連同相鄰土地),而當中大部分為平地停車場等棕地或已破壞土地,即係好明顯係避開發展商囤地土儲,減慢哂解決土地問題的步伐。

作者製圖

作者製圖

廣告

我哋就政府選址以東嘅地段查冊(綠色),發現與新世界有關聯公司「盛店投資有限公司」(BUSY FIRM INVESTMENT LIMITED)及合作公司 MAXHERO LIMITED 擁有當中多個地段,當中包括 2016 年涉及橫洲黑幕的改劃申請(Y/YL-PS/2)。裡面棕地現時大多為平地停車場,用途上適合收回動工,而新世界亦曾作過住宅申請(A/YL-PS/565),雖然已經撤回,但也可見該地段已有「地產商認證」適合成為住宅用地。

廣告

政府物色棕地起公屋時唔納入發展潛力如此高的地段,除左惹人懷疑想順便益埋新世界,亦清楚見到之前講到係威係勢嘅棕地政策就「大縮水」。相比之下,明日大嶼即使在財赤下,也要「大科水」,還試圖舉債出賣路權地權指成本不是問題,就看到今日土地政策可以有幾本末倒置。

(註一)政府招聘顧問以進行工程可行性研究之選取的棕地群圖則(經修訂)

#財政預算案
#土地研究
#棕地
研究到底 參與小額月捐支持

作者 Facebook
 

發表意見