立場新聞 Stand News

【武漢肺炎】屯門愛暉樓二座 8 樓全層住戶撤離 住戶:已打兩劑科興 都要撤離

2021/4/19 — 12:44

屯門友愛邨愛暉樓(二座)8 樓全層今日中午起撤離,一共涉及 14 戶,約 43 人,當局在今日中午約 12 時半展開撤離行動。8 樓錄得一宗確診個案,同早前確診者同一層。暫時未知愛暉樓(二座)8 樓是否出現橫向傳播。有撤離住戶表示無奈,稱自己已打兩劑科興疫苗,但同樣要撤離。

本港新增 12 宗新冠病毒確診,1 宗為本地感染有關連個案,患者居屯門友愛邨愛暉樓 2 座 8 樓。

中午 12 時許,衞生防護中心的人員到場,及上樓通知相關住戶,陸續有住戶攜同行李上車。衞生署及警方下午約 2 時半離開。住戶孫先生稱,今早獲通知要撤離,他稱自己已完成接種科興疫苗,不過有關人員仍要求他一同撤離,「我打咗科興疫苗㗎,第二劑,都過埋 14 日,都要撤離」,「但係都配合政府啦,要撤離就撤離啦」。

廣告

他說不清楚同層有多少宗確診,只是街坊間口耳相傳同層再有個案,不過他表示並無擔心,「唔擔心啦,打咗疫苗 OK 嘅」,又指本身並不希望撤離,「點會想撤離,要開工要搵食㗎嘛,但係冇辦法」。

屯門友愛邨愛暉樓第2座及愛勇樓,周五(16 日)因出現初步確診個案須強制檢測。愛暉樓早前先後出現多宗確診,涉及二座及三座居民,早前已撤走三座22樓所有居民隔離。

廣告

發表意見