立場新聞 Stand News

【武漢肺炎】消息:今增約 20 確診 鄺葆賢質疑以污水檢測封區 「鍾意封邊度就邊度」

2021/2/3 — 13:47

消息指,本港今日新增約 20 宗確診,數字與昨日相約。政府兩日內連封 7 區強檢,惟未有發現新確診個案,同時亦向多棟大廈發出強檢令。呼吸系統科專科醫生梁子超,本身是醫生的九龍城區議員鄺葆賢均質疑,以污水樣本呈陽性作為「封區」及強檢令的準則,指沒有傳播力的康復者糞便亦可能有病毒,鄺葆賢批評「而家根本鍾意封邊度就邊度」。

政務司司長張建宗日前宣佈,如大廈污水樣本檢測呈陽性,可能有感染風險,均須強制檢測,而污水樣本亦是封區準則之一,目前已有 15 棟大廈因污水樣本檢測呈陽性要強檢,包括九龍城區議員鄺葆賢所屬選區黃埔花園翠楊苑兩座。本身是醫生的鄺葆賢在 FB 發文質疑這做法,指翠楊苑有住戶曾確診並康復出院,他們的大便亦可驗出病毒,「驗到有又乜出奇?」

她又稱,納入強制檢測準則是污水樣本,但檢測本身用上呼吸道樣本,「檢極都係零好合理架喎」,批評目前政府的做法「鍾意封邊度就邊度」、「用啲已知嘅嘢不停搞其他人」,又形容封區強檢是勞民傷財,「晚晚唔計人工,做test 都駛 40 萬以上。你攞封深水埗嘅錢派俾深水埗街坊好過啦」。

廣告

梁子超在商台節目上亦有類似質疑,指污水樣本檢測對發現活躍個案效能一般,因康復者糞便亦可能有殘餘病毒,但他們已無傳染性,而患者在患病初期,糞便中驗出病毒陽性比例亦較低,即污水未能驗出病毒亦不代表無患者居住。他認為,污水樣本只能反映大廈曾有患者,「但而家仲有冇呢?唔能夠百分百確定」。

廣告

梁子超:「突襲」封區對控制疫情作用有限

對於近日多次封區強檢均未找出新確診個案,梁子超稱,情況反映社區的源頭不明個案下跌,不過,武漢肺炎潛伏期長,如大廈高危因素不排除,封區強檢後仍可能出現潛伏期後的爆發,外來的確診者亦可走入社區,「唔好以為做一次檢測後就無問題,咁樣有危險」。

他認為,圍封一區再檢測,與單純發出強制檢疫令的分別只在於圍封可防止有人逃走,但人口流動性低的區域,居民有固定工作、地址,願意檢測的比例近百分百,事後亦可再檢查居民是否有檢測,未必要以封區方式,

他又稱「突襲」封區對於覆蓋全港人口有限,相信對控制疫情不會發揮大的功效,最重要是大家留意自己身體情況,有病徵就去檢測。

 

 

發表意見