立場新聞 Stand News

【武漢肺炎】相爭不足 共享有餘

2020/2/20 — 11:11

作者 Facebook

作者 Facebook

聯同梁錦威區議員、清潔服務業職工會嘅同事Denny,Ringo同埋阿Milk,仲有醫護行者嘅朋友,去到葵涌邨探一探當區嘅清潔工友,分享下個人衛生護理資訊,亦都帶咗少少口罩同埋消毒用品俾前線清潔工友,希望大家係工作嘅時候都可以有足夠嘅防禦比到自己。

前線清潔工友喺屋邨入面,係站係防疫嘅最前線,雖然提供足夠嘅保護工具比僱員係僱主嘅基本責任,但係喺呢一個「一罩難求」嘅時刻,大家都係守望相助,最重要係清潔工友嘅人身安全身體健康得到保障。

見到清潔工友簡單收到工會準備嘅清潔福袋已經好開心,甚至有清潔工好緊張其他同事攞唔攞到,真係有啲心酸。其實大家無需言謝,香港地唔同行業唔同崗位嘅人都一齊用自己可以做到嘅方法防疫抗疫,清潔工友每日不停喺屋村入邊為街坊居民打掃清潔消毒,都係非常重要嘅崗位,而我哋可以做嘅唔多,只係簡單相信「相爭不足共享有餘」呢個道理,將我哋所擁有嘅同大家分享。

廣告

由上年六月去到而家,由烽煙四起去到全民抗疫,我哋見到政府嘅無能,亦都見到人民嘅希望,大家撐住,黎明一定會嚟。

P.S. 如果大家有勞法查詢,可以係星期一至五1030-1930呢段時間打電話比工盟,或者 FB/TG 都得,我地都安排左同事接聽大家嘅求助。

廣告

搵我哋 Facebook: 職工盟(HKCTU)

作者 Facebook

發表意見