泥水佬開門口，警方知唔知係乜？

紅十字會抽血員戴迷你「黃頭盔」掛飾已被投訴、警員索取抽血員姓名不果、取消捐血活動。

「靚仔眼超超啤咩呀！你邊位呀？啤我？阿叔而家就拉隊走，你睇路呀！」

香港公安點能怪人話警黑一家親？同樣的行為：

-    認定自己係特權階級

-    唔順眼就打鑊金

-    唔聽話就攪到你無份工

-    搵大佬出頭，吹雞鬧人、喊打、要求交人

黑警出更貼到成身都係「攪笑自慰式」襟章，但就無位展示警員號碼，市民一樣嬲，想文明社會做法投訴但又無門。小市民唔係黑社會更不是玻璃心，睇到一個小掛飾就上綱上線，四處狂吠，再一犬吠影百犬吠聲，在特權圈子中圍爐。

專業、正直、無私、守法香港公安已經無左好耐，再要求其他真係不切實際，因為警隊已係特權階級，不受市民或特衰政府管治。

俗語話泥水佬開門口，過得自己過得人，提議下次咁情況，香港公安用一哭二鬧三上吊啦，你一吊，香港人肯定比返兩分同情你。