Pazu 薯伯伯
旅遊寫作人，為最早一批在網上連載遊記的香港人，多年來足迹遍佈歐、亞多國，在喜馬拉雅山麓、東南亞、南亞等地區生活。著有《風轉西藏》、《北韓迷宮》、《西藏西人西事》及《不正常旅行研究所》，分別在香港、北京及首爾出版。作者 Facebook：https://www.fb.com/pazukong；網誌：https://pazu.com/blog；Pazu 兒歌網：https://www.pazu.com；相集：https://www.instagram.com/pazu；Patreon 頻道：https://www.patreon.com/pazu
2020/4/25 - 11:07
消費分黃藍，我自己唔攰，你呢？
資料圖片，來源：Rae Tian @ Unsplash
有朋友要洗冷氣，上網問人介紹屬於黃色經濟圈嘅洗冷氣師傅。然後有人評論說，搵個技工也要分黃藍，會否太累？
其實我真係幾鍾意黃色經濟圈，香港食肆一堆，反正就容易有選擇困難，現在有個簡單而自己亦認同嘅篩選機制，篩走一啲食肆，我選擇時反而更覺開心。選擇越多，反有選擇困難，呢個世界又唔係越多越好。
至於坊間有些人間中會說：「食黃店，幾難食都照食。」唔好意思，我真係無乜中過伏，整體都係滿意或非常滿意，而且發現咗好多以前從來無去過嘅店鋪。而且飲食業講究食材，所以良知最重要。
廣告
搵食又好，搵技工又好，即使要分黃藍，我完全唔覺得辛苦。亦樂見同路人提供優質服務畀我，而我又用自己嘅資源來報答。
分黃藍唔覺累，咁乜嘢先覺累？
就係我見到有啲人連別人幫襯黃嘅決定都要質疑時，應對呢啲觀點，就真係好攰。
你唔認同呢種玩法，隨你嘅便。但人哋點樣運用自己嘅錢時，你可以選擇閉嘴。
要關心嘅話，就關心政府公帑點用先。