立場新聞 Stand News

牛牛只吃草 但草兒不見了 🥺

2021/2/1 — 11:13

作者提供

作者提供

【文:貢想 Vision Sai Kung】

貢想小編早前睇報導話塔門個草皮禿哂(如圖),牛牛冇草食,所以好想去了解下,同埋探下啲牛牛,於是乎二話不說就相約牛義工!

去到見到啲 🐂 身型有啲古怪,如饑民般肚大身瘦(如圖),一問之下原來佢地有「垃圾肚」,食得太多垃圾所致 🥺 !義工話初次探牛時,發現佢哋連草 🌱 都唔識食。😭

廣告

作者提供

作者提供

廣告

垃圾肚何來?🤔

  1. 太多人去camping 🏕、hiking 破壞了自然生態,過度踐踏草地,更有 🔥 草地的情況,影響草的生長,禿哂冇草食!
  2. 冇草食 🐮🐮 唯有周圍搵食,嗅到營地食物的氣味,自然衝埋去,故時有牛牛營地搶食情景。更可怕的是有人餵牛,而餵嘅並唔係草!!!!!!!

⚠️⚠️ 各位,牛只吃草呀!⚠️⚠️

你哋啲麵包、雞翼、棉花糖,全部佢哋都唔應該食㗎!🙅🏻‍♀️

垃圾入面仲有最可怕係 👉🏾 膠袋!!!牛牛有時會誤把剩載食物的膠袋一併吞下。膠袋殘留在牛的胃裏不能消化,日積月累牛牛會吸收唔到營養,引致身體日漸消瘦,肚子大大,長此下去牛牛會因營養不足而死㗎!😭

過度踐踏草地,整個山頭都禿了。

過度踐踏草地,整個山頭都禿了。

😎 護牛九式:

  1. 包容牛便: 🐮🐮 是郊野的原居民,請包容牛便便 💩💩,佢地係草草的養份!
  2. 勿打牛、勿嚇牛:見到牛,保持安靜便可!牛牛是溫馴的動物,不會主動攻擊人啊!
  3. 勿摸牛:🙅‍♀️🙅 尤其不要摸牛 BB 🖐🏿,因母牛嗅到 BB 有人類的氣味,便不會再餵哺牛 BB,母牛正常情況下會餵哺母乳至三歲的。
  4. 勿餵牛:🐮 牛只應該食草 🌿🌱,⚠️ 勿餵人食的食物!
  5. 帶走垃圾:👉🏻 無痕山林 🙏🏻😸 勿留垃圾在山上,要帶到落山或出城市先丟啊!營友記住記住帶走營釘啊!
  6. 保護草地:營友 🏕 離開時請將至少 4-5L 清水淋於你們紮營的草地上,以滋養草地;🙅🔥 勿燒草地,想 BBQ 請帶爐!
  7. 收好食物:不要將食物、膠袋、垃圾隨處放,盡量放入 🏕 營帳內,並拉好 🏕 雙拉鏈,避免牛牛誤闖吃人類食物。試想假如 🐮🐮 每個營帳吃一個膠袋,日復日,牠們真的會死。
  8. 保護牛牛:如有人想打牛或欺負牛 🐮🐮,請提醒香港有法例保護所有動物的 169 條例,一旦觸犯法例,可被罰款 💸💸 20 萬元及監禁 3 年 。
  9. 勿亂 post 牛相:⚠️⚠️🙅‍♀️ 唔好出牛 BB 相 ⚠️⚠️🙅 3 歲以上成年牛牛先好出啊!好好保護牛 BB,唔想比人知及會捉 BB 啊!⚠️⚠️ post 相麻煩請遮耳牌,唔好標籤亦唔好明星化佢哋啊!為的都是要保護牛牛啊!

👬👩‍❤️‍👨 互助互愛 : 當大家到郊外 😎 時,盡量互相傳授「護牛 🐮🐮 9 式」。

作者提供

作者提供

沙漠化 🌵🏜️ 現象,原來塔門在 2015 年時是綠悠悠一片!但近年因遊客已超出負荷,地上沒 🌿🌿 了,跪求各位如可以盡量不要 🙅 再在營地以外的地方紮營 🏕 好嗎?因我哋人類才是動物 / 環境生態的敵人。

小編做完一日塔門牛義工,深明係體力勞動,又車又船又行山,感謝所有牛義工默默付出幫牛牛。

🙇🏻‍♀️🙇🏻‍♀️ 小編跪求大家享受大自然的同時,也要好好愛惜。有啲嘢冇咗就係冇咗,唔好等冇咗先去努力,你懂的!

謝謝牛義工 SY Catson,提供以上資料,又帶我地去了解塔門牛牛苦況,更教識我地如何護牛,所以想同大家分享,一起護牛!如果你都想幫牛牛可以 PM Catson 呀! 🙏🏻🙏🏻

草地有被燒過痕跡。作者提供圖片

草地有被燒過痕跡。作者提供圖片

MeWe group

#塔門草地變沙地
#無痕山林
#護牛九式
#願牛牛日日有草食
#謝謝牛義工

作者 Facebook

發表意見