立場新聞 Stand News

【特稿】斥「疫苗氣泡」如「威逼利誘」 黃店企硬拒接受:尊重員工、食客自由

2021/4/12 — 22:51

政府今日(12 日)公布新防疫安排,食肆若要放寬營業時間及每桌人數,員工必須先接種疫苗,食客亦一定要用「安心出行」,以至接種疫苗。觀塘黃店「小時光」的東主向《立場》表示,為尊重員工及食客意願,不會接受放寬安排,批評措施等同向餐廳及食客施壓,形容是「威逼利誘」。另一黃店「味山田」亦質疑,政府是藉食肆逼使巿民配合其措施,表明會「企硬」不接受。

「小時光」:難判打針證明真偽

政府今日公布措施後,不少黃店包括「光榮冰室」、「阿木台灣麵」等,已表明會維持原有安排,不會接受新措施。「小時光」東主表示,員工可能因健康等因素,不想接種疫苗,會尊重員工取向,不會強逼他們打針,亦不會要求顧客用「安心出行」,「巿民鍾唔鍾意(用安心出行),我哋冇得威逼利誘啲客咁做」。

廣告

至於放寬的「第二階段」要食客出示打針證明。東主形容「更衰」,指醫療記錄是個人私隱,「(措施)一嚟侵犯咗人哋自由,二嚟點解政府要變咗我哋(食肆)係執法者呢?」他擔心員工未能判斷有關證明真偽,一旦出錯會令餐廳負上法律責任,批評政府將責任強加食肆身上。他又指,繁忙時段食客都是大批入坐,難以逐個檢查打針證明,又擔心劃出「clean zone」後,如該區有空位都無法安排無打針的顧客入席,批評政府措施「離地」,規管太多亦影響顧客,可能令生意更差。

2021 年 4 月 12 日。黃店「小時光」表示不會接受新防疫措施。

2021 年 4 月 12 日。黃店「小時光」表示不會接受新防疫措施。

廣告

同樣是黃店的「味山田」老闆亦向《立場》表明,不會要求員工打疫苗,「呢啲太危險嘅嘢我唔做 」,指對疫苗無足夠信心,亦不打算要求食客用安心出行, 「人有選擇嘅,我唔鍾意俾你 mon (監視)住,我寫張紙仔都係可以留資料啫」,「佢就係逼我哋打針同埋安心出行囉,所以盡量啦,企得硬啲」。

2021 年 4 月 12 日。黃店「味山田」表示不會接受新防疫措施。

2021 年 4 月 12 日。黃店「味山田」表示不會接受新防疫措施。

小店:措施無幫助 

一間座位約 10 至 15 人的小店「My Burger」則表示,要配合政府的放寬安排有困難,「都唔知政府諗咩!」該店老闆說,曾要求員工打疫苗,不過部分員工拒絕,他說後指向其中一名員工,「你囉,打咗未?」,該名員工立即皺著眉搖頭,老闆笑說,「叫佢哋打,佢哋唔肯都冇計」。至於「安心出行」,他說大多顧客都傾向填紙仔,擔心強逼使用不利生意,「佢唔嘟(安心出行二維碼)你冇理由拍佢走,生意咪仲差」。

他又指,店舖本來只營業到 10 時,而且本來一桌就最多只可容納 2 至 4 人,放寬至 12 時及每桌人數對他無影響,情願政府在源頭防疫上做好功夫,「最緊要關口做好防疫,冇檢疫就俾人入,結果累咗全世界」。

2021 年 4 月 12 日。小店「My Burger」座位約 10 至 15 人,指新一輪食肆放寬無幫助。

2021 年 4 月 12 日。小店「My Burger」座位約 10 至 15 人,指新一輪食肆放寬無幫助。

即使較大型的連鎖食肆,亦認為政府措施不理想。位於觀塘的「花園餐廳」有至少 50 個座位,負責人表示,暫時未要求員工打疫苗,但會就此作考慮,會讓員工接受身體檢查後,才決定是否適合接種,如果醫生不建議,希望可以藉醫生紙獲豁免,「你唔打就炒你,咁唔得」。提到要強制食客用「安心出行」,他則面有難色,「真係難啲,好多人都唔鍾意用」。不過,他說餐廳即使近日疫情緩和,生意都大不如前,會考慮接受新安排,「都係放寬好,唯有見步行步」。

2021 年 4 月 12 日。觀塘的「花園餐廳」負責人指,會考慮接受新防疫措施。

2021 年 4 月 12 日。觀塘的「花園餐廳」負責人指,會考慮接受新防疫措施。

巿民拒用安心出行:頂多咪買外賣

吳小姐認為,疫苗本身需要長時間作實驗以保安全,故對中西方製的疫苗都仍抱有質疑,無打算接種,又質疑政府會以「安心出行」的資料作防疫以外用途,拒絕下載該程式,「會盡量揀番手寫登記(的餐廳),真係好想食嗰啲食肆,頂多咪買外賣」。她又批評特首林鄭月娥稱措施並非「威逼」巿民是「亂噏」,「聽到佢把聲已經覺得畀人逼」。

48 歲的張先生表示,平日手機未必跟身,故堂食大多選擇「填紙仔」,不過要用「安心出行」都可接受,至於要接種疫苗才可與 12 人同桌吃飯,他說自己和身邊不少人都因安全考慮,未接種疫苗,「十幾人未必個個打,好難叫人出嚟食飯囉」,質疑措施最終能受惠的食肆及食客不多,與政府想恢復巿道的方向背道而馳。

 

記者|趙婉晴

發表意見