立場新聞 Stand News

當高官變得瘋狂

2020/4/15 — 21:35

作者 Facebook 圖片

作者 Facebook 圖片

最近,一班家務助理姊妹同埋自由工作者都變咗大眾嘅焦點,因為佢地響呢個抗疫基金 2.0 入邊,好多人都係 0 受惠。

勞工及福利局已經變成大財團福利局,有啲大型嘅連鎖快餐店,可以獨得接近五千萬津貼,錢就照收,但佢地一樣照叫打工仔放無薪假,而係唔需要受任何懲罰。

另一方面,一班家務助理,自由工作者又因為「無供強迫金」,而拎唔到一筆過援助。

廣告

有部份人,又覺得原來無供強積金,就等於一定無報稅。唔講仲以為積金局做埋稅務局嗰份。

明明呢一班自由工作者、家務助理都係處於弱勢,但係而家又有一班人將個矛頭指向返打工仔。

廣告

新一輪嘅抗疫基金,引用返羅致光咁講,真係「奇形怪狀」,大財團資助放題,中小企就「夠交租但唔夠出糧」,前線打工仔更加要老闆唔炒先得一半人工津貼。

被人裁員嘅打工仔,羅致光就叫佢地去申請綜援,但佢有無諗過申請時間、資格、手續等等?

當剝削變成習慣,當高官變得瘋狂,呢個社會就係比呢個政權搞到「奇形怪狀」。

只要政府出一個失業援助金,起碼大家可以撐得到呢一兩個月,至少,可以捱得住。

 

#抗疫基金 #大財團基金 #奇形怪狀羅致光 #自由工作者

作者 Facebook

發表意見