立場新聞 Stand News

疫下安老支援

2020/12/7 — 10:36

新一份施政報告喺 200 項新措施中,對於安老嘅政策著墨唔多。當中較相關嘅有:優化「長者牙科服務資助」計劃、放寬「2元乘車優惠計劃」及實名制。喺疫情下,尤其有現時情況再見嚴峻,這會否未能急一眾長者所急?喺早前疫情期間,有調查顯示無論長者嘅心理、給予長者嘅服務都有所影響。而社區中不乏獨居長者,喺「社交距離」、「暫停服務」等情況下,好大機會令佢地變至「隱蔽長者」。究竟政府、非政府組織可以點樣為長者們作出協助,共得渡過第四波疫情,繼續「望到藍天」呢?

根據統計處數字,香港現時有超過130萬名65歲以上長者,人口老化問題嚴重。政府以居家安老為本,院舍照顧為後援進行安老政策制定。但現時疫情嚴重,到底如何影響長者居家安老呢?

安老服務倡導聯盟於十至十一月,訪問了760名長者。超過九成受訪長者指社交康樂服務受影響,當中百分之73.8因此覺得沉悶、百分之42.7更覺得不開心。而長者家居支援服務方面,有近七成長者指服務有受影響,當中有超過五成受訪者指身體機能因而衰退,亦有百分之35.5人指照顧者壓力增加,情況值得令人關注。我們可以如何讓長者於疫情下身心都得到協助?

廣告

香港長者權益協會總幹事李立航早前接受傳媒訪問,表示自從新冠肺炎疫情爆發後,知道有部分長者因為口罩不足而不敢外出,終日留於家中又有心理壓力。佢表示佢地協會義工有協助獨居長者買餸同清潔用品,並選擇儲存期較長嘅凍肉,以避免佢地外出。而早前有長者因為無手機而無法喺臨時檢測中心進行病毒測試,李立航就表示政府應採取更主動策略,例如聯絡正領取政府資助的長者、非政府組織的服務使用長者等等。

早前特首公佈的施政報告中,對安老問題似乎著墨不多,其中較值得留意的,只有擴大長者牙科服務計劃範圍。長者會否成為被遺忘的一群?疫情之下,香港長者又能否真正安老? 我地有請李立航!

廣告

支持青年發聲,歡迎追蹤《香港電台第一台》面書專頁
 

發表意見