立場新聞 Stand News

【禁足強檢】斥政府倉促「封區」 小食店:如傷口灑鹽 貨物發臭損失三萬

2021/1/24 — 21:29

羅先生(左圖)

羅先生(左圖)

民政事務局局長徐英偉晚上六時宣佈,在佐敦油麻地受限區域內持陰性結果、已接受檢測市民,經登記後可自由進出,居民紛紛落樓購買食物等物資。有家長批評封區安排太亂,認為做法成效不大,反問特首林鄭「佢唔覺得擾民?叫佢入嚟問下啦」,亦有家長批評政府未有提供嬰兒食品。有小食店就批評政府「封區」倉促,全部貨物發臭須要棄置,三日損失約三萬元。

政務司司長張建宗下午視察時表示,對小商戶不會有賠償。本身住區內炮台街,亦在上海街開小食店的羅先生不滿,政府「封區」倉促,令小商戶入貨後蒙受損失,卻沒有賠償。羅先生表示開了近十年鋪,每日都是 4 點開鋪,因昨日凌晨封區,入了約四千元貨「臭晒啦」,加上禁足令全部貨物須於明天棄置,加上人工、鋪租,等於三日損失約三萬,「邊個可憐下我哋?」他愈說愈激動,「唔止我,成條上海街都係,你要去檢驗係啱,但唔通知我哋啲小商戶,貨又去唔要,又唔畀我處理,又話唔好扣人工,我哋又無得生活,你叫我哋點呢?」

羅先生指,理解政府防疫要檢測,但應該通知小商戶,「咁先至可以配合」,疫情下本身已生意慘淡,如今非但沒賠償,「(政府)仲要雪上加霜,喺我哋傷口度灑鹽。我瞓唔到食唔落,係咁檢測,我無事呀,我鋪頭有事呀嘛。」

廣告

區內有不少尼泊爾族群,居民 Tamang 表示,原計劃明晚午夜上機回尼泊爾,擔心今早無法遞交陰性檢測證明,會浪費了機票、酒店錢,幸好後來經政府人員安排,可在明日才遞交,他十分感恩,表示雖然封區不便,但希望此措施可幫到香港。他笑言十分愛煮食,最大不便是橄欖油用完,於是他第一時間買了兩支橄欖油回家。

家長斥林鄭擾民

廣告

在區內開茶餐廳的麥太與兩名小朋友被困超過一天。麥太表示,對政府不會賠償的做法無奈,又認為封區安排太亂,指最少要通知商戶,「預早通知做,(餐廳)損失唔會咁重」。對特首林鄭表示是次封區非擾民的說法,麥太反問林鄭「吓?佢唔覺得擾民?叫佢入嚟問下啦」,亦認為封區成效不大,「應該走嘅走曬,覺得冇嘢先留喺度」。

麥太表示,小朋友經常問「點解唔可以落街」,而兒子則表示在家「好悶」,希望購買零食和到公園玩耍。亦有家長表示,政府未有提供嬰兒食物,幸家中有儲備,嬰兒不至於缺糧。

在酒店長住的陳先生形容自己猶如「難民」,批評政府忽略未能煮食的居民,「唔夠食 48 小時,咁大個男人,杯麵係頂唔到」,希望政府可以改善食物供應問題「跟得徹底少少」。

在區內劏房居住的梁先生表示,一天以來僅能喝湯包,未獲派水,又指自己未有工具煮食。79 歲的長者李先生,在宣佈可自由進出後馬上到藥房購買三包香煙,指自己從未經歷過「被禁足」,「出嚟埋包煙都唔得,捱咗兩日」。

亦有長者表示,六時看到電視公告,便馬上外出,並表示「想出去玩下」。而居民 Limbumaham 則在區內踩單車, 笑言自己「被困良久」。

食物及衞生局局長陳肇始和民政事務局局長徐英偉傍晚見記者,交代行動共找出 13 個陽性個案,陽性比率約 0.17%,即時起有陰性結果及手帶的區內居民可進出受限區域,區域最快 25 日凌晨 0 時起解封。(另見稿

發表意見