朝雲

朝雲

左膠

2020/1/27 - 15:23

粉嶺街坊無分政見一齊堵路

26/1 粉嶺(作者攝)

26/1 粉嶺(作者攝)

26/1 粉嶺
粉嶺街坊無分政見一齊堵路:「我從未去過出面(抗爭)。」
「叫林鄭同陳肇始搬過嚟,一齊共度時艱。啲高官用個屎忽嚟諗嘢。」

必須親身來到暉明邨樓下,才能見證昇暉樓(暉明邨)和雍華閣(雍盛苑)是如此之近,相距不過三十米左右。數以百計街坊匯集在兩邨之間的迴旋處,反對暉明邨改建為隔離區。部分人搬出雜物堵路。

住在昌盛苑的伯伯一邊帶路一邊解釋:「可以咁講,如果唔係改咗另一個名,根本就係同一條邨。」

廣告

左為暉明邨昇暉樓,右為雍盛苑雍華閣。

左為暉明邨昇暉樓,右為雍盛苑雍華閣。

住在華明邨的居民更勞氣,「我睡房望到依度。你要諮詢吓民意㗎嘛,周圍成五間學校。叫林鄭同陳肇始搬過嚟,一齊共度時艱。」附近有一家大細前來聲援,因為兒子就讀陳朱素華紀念中學,正在暉明邨旁邊。

更憤慨的居民陸續有來,他就住在一路之隔的雍華閣。「樓下有老人宿舍,有庇護工場。」他狠批政府所為等於變相迫鄰近居民逃亡,重蹈淘大花園的逃亡潮,增加社區感染的風險。

「依度公屋嚟嗰喎,抽氣扇直接抽啲氣出嚟咋喎,唔係醫院啲隔離病房。當年沙士都係搵度假村,如果我染病我都會去度假村隔離,但唔應該連累民居,再次有社區爆發。」

雍華閣居民補充,他的家人剛從大陸回來,不見任何防疫檢查。「乜都冇,可以掂行掂過。政府應該安穩人心,唔係搞到人心惶惶,依個政府真係無能。」

前述的華明邨居民多加一腳:「啲高官以為自己係強勢政府,用個屎忽嚟諗嘢。」

一名顯然不似抗爭者的老伯,也搬出雜物堵路,他是昌盛苑居民。「惹到人點算呀?附近嘅人唔駛理嘅咩?」

網上有傳居民無分藍黃都參與其中,伯伯答:「我唔參與嗰啲嘢,我冇出過去。但你(隔離村)嚟依度我地居民就反對。」

三位住在華明邨的年輕人都同意:「唔好分係藍係黃,唔關政見問題,係自己屋企問題。」

北區區議員一度轉述民政事務署答覆,謂在 29/1 開會前不會再搬物資到暉明邨。然而群眾鼓譟,拒不收貨,批評政府言而無信,要求官員到場直接對話,宣佈撤回。未幾大眾便收到消息,到場的是防暴警。

一名住在雍盛范的老伯破口大罵,「依個政府累人累物,依度十幾萬人點呀?大陸嗰邊就放鬆俾人入嚟,太過分喇。」他不斷罵政府「仆街」。

 

作者 Facebook