立場新聞 Stand News

老闆錢照袋ㅤ員工繼續裁

2020/3/28 — 22:07

作者 Facebook 圖片

作者 Facebook 圖片

今日同新工會嘅朋友開聯合記招,要求政府立即檢視防疫基金嘅安排,為香港打工仔提供實際嘅財政支援,以解決目前經濟困難。

武漢肺炎已經爆發咗幾個月,香港政府一直以「救市救老闆」嘅心態推行防疫措施。但係對於不同範疇中小企,以至前線嘅打工仔,只係得小部份行業受到援助,而其他行業呢?自由工作者、飲食從業員、旅遊業等等呢?到底林鄭月娥政府你地做緊乜?

世界各國政府對於自己嘅勞工疫情政策,都係用「維持員工就業人數,企業不裁員」為目標,提供不同嘅支援俾中小企或直接補貼俾打工仔。針對家庭、照顧者同埋對自由工作者嘅保障,時間更加至少長達三個月。

廣告

例如英國,政府將會提供上限 2,500 蚊英磅,平時月薪八成嘅補貼俾自由工作者們,四月尾到手。美國會俾 12 個星期嘅家庭照顧假以三分之二嘅人工俾打工仔,無薪病假變為有薪病假,加強失業保險,包括埋自由工作者。丹麥則會提供 75% 嘅工資俾打工仔,以要求老闆唔好裁員。

日本、澳洲、菲律賓、越南、新加坡甚至提供隔離津貼俾居家或者在外隔離嘅打工仔。
而香港呢?完全無,係 0,係 0 啊!
呢個無能政府只係將打工仔當做一個消耗品,完全唔當我地係人咁看待。

廣告

武漢肺炎肆虐香港,香港政府責無旁貸。特區政府除咗反應慢,你仲要無能到幾時?

 

作者 Facebook

發表意見