立場新聞 Stand News

藝人莊思明公開機組人員名單 國泰空服工會:涉嫌觸犯私隱條例

2020/1/9 — 12:56

圖片素材:莊思明instagram截圖

圖片素材:莊思明instagram截圖

國泰空中服務員工會今日發表聲明,表示有人將公司機組人員執勤名單公開至社交平台,對此表示「高度關注」,而且涉嫌觸犯個人私隱條例。工會促請公司管理層徹查事件,並加強保障員工個人資料的措施。

今次事件,有指是與無綫藝人莊思明有關。她在社交媒體稱在搭乘航班期間遇上不愉快事件,終獲妥善處理,為了「表揚」部分空中服務員,她找來當日航班的服務員名單,並上載至 Instagram。

廣告

莊思明昨日在 Instagram 提到,她昨日乘坐國泰航班 CX 619 到曼谷小休兩日,在機上需要填寫入境表格,所以按下服務燈,但是「㩒咗一次好耐都冇人嚟」,她然後發現服務燈已關,但又無人前來。於是,她第二次按下服務燈,「點知又係俾人熄咗」。

莊思明後來第 3 次按下服務燈,並且向後觀察有否異樣,然後她就發現「原來有個空姐係我後面熄咗我盞燈然係就擰轉面行開咗」。莊思明對此表示,認為事情「可能並唔係我想像中咁簡單」。於是莊思明第 4 次按燈,終於有位女機艙服務員禮貌詢問莊思明的需要,並且借筆給她。

廣告

後來,莊思明填完表格後,表示「唔希望呢種不快嘅事情會發生喺其他人身上」,所以認為有需要向高級的服務員表達,於是第 5 次按燈。借筆給她的空姐再出現,莊思明也向她表達事件,這名空姐事後也找來上司處理。

 
 
 
 
 
 
 
 
 
 
 
 
 

*長文 慎入* 大家好,我今日飛咗去曼谷啦,原本諗住可以開開心心輕鬆兩日點知係機上發生咗一d小插曲! 話說我今次嚟曼谷係參加一個朋友嘅宴會,因為機票同酒店都係朋友準備嘅所以我並沒有多加要求,而國泰嘅economy對我嚟講亦係相當舒適,服務一向亦非常專業! 講返正題先,我今朝乘坐嘅航班係國泰嘅CX 619,我坐位係43D,我係航班中途㩒咗個叫空中服務員嘅燈因為我想借支筆填入境表。 我㩒咗一次好耐都冇人嚟於是我就睇睇我坐位上嘅燈,咦,點解熄咗但又冇人問我有咩需要嘅🤔? 唔緊要,我再㩒過,點知又係俾人熄咗。 之後我㩒第3次,今次我就刻意向後啤睇吓會唔會睇到究竟發生咩事,終於俾我睇到啦,原來有個空姐係我後面熄咗我盞燈然係就擰轉面行開咗!佢係完全冇問過我有咩需要就行開咗,我想叫都叫唔住佢! 其實我好明白空中服務員嘅工作係非常忙碌,有時候會唔覺意miss咗都唔出奇,特別係economy class因為佢哋要照顧大量乘客所以我都好體諒,但當我一而再再而三都被忽略嘅時候,加上我親眼見到個位空中服務員嘅行為,我開始明白事情可能並唔係我想像中咁簡單! 跟住我再㩒第4次,終於有個女仔急急腳走嚟,然後好有禮貎問我有咩需要跟住我就問佢借咗支筆填表。填完表後我諗咗一陣剛剛發生嘅事,我覺得有需要同機上嘅高級空中服務員表達,因為我唔希望呢種不快嘅事情會發生喺其他人身上。 於是我再㩒燈,借筆俾我個位空姐再次出現,我還返支筆俾佢嘅同時我同佢講,希望可以將我嘅感受同佢上司反映。佢問我發生咩事,於是我就敘述返整個過程。佢好好,佢馬上就幫我同咗佢上司反映,之後就有一位比較高級嘅男空中服務員過嚟問我更多detail。佢態度好好,不停同我講唔好意思同埋佢不停來來回回咁幫我揾係邊個空姐咁唔專業。 過咗幾分鐘左右個男空中服務員過嚟搵我,佢同我講佢已經同經理講咗件事同埋已經發現咗係邊個,佢問我想點處理。 我向佢表示其實我只係想反映件事,希望呢種事情唔會發生喺其他乘客身上。 佢不停向我道歉,佢絕對係一個非常專業同有禮貌嘅空中服務員所以我都想係呢到同佢講聲多謝🙏🏻 (好後悔冇問佢叫咩名) 我講件事出嚟係希望國泰可以積極處理類似嘅問題,因為作為全球其中一間最可信嘅航空公司發生咁嘅事實在係令我好驚訝😦 如果國泰嘅高層想了解更多關於這次事件嘅詳情,我絕對歡迎你哋同我聯絡! 再一次多謝個位男空中服務員同機艙經理嘅幫忙🙏🏻 Thank you! @cathaypacific #cathaypacific #國泰航空

Lisa 莊思明 리 사(@lisa_chng)分享的貼文 於 張貼

莊思明說,一名較高級的男空中服務員來到她的座位,接連詢問事件詳情,莊思明形容這名高級服務員「態度好好,不停同我講唔好意思同埋佢不停來來回回咁幫我揾係邊個空姐咁唔專業」,後來還表示已經跟經理反映事件,「同埋已經發現咗係邊個,佢問我想點處理」,莊思明就回應,她「只係想反映件事」,不希望這種事情在其他乘客身上發生,而這名服務員亦不停抱歉。

莊思明最後表示,她在 IG 表達事件是「希望國泰可以積極處理類似嘅問題,因為作為全球其中一間最可信嘅航空公司發生咁嘅事實在係令我好驚訝」,並且指如果有國泰高層希望了解事件詳情,歡迎跟她聯絡。

莊思明後來表示,為了表揚處理事件的空中服務員,所以她找到當日所乘客機的空中服務員名單,相信屬於國泰內聯網資料的一部分。但由於牽涉透露私隱的爭議,莊思明亦被部分網民批評,莊思明最終刪除了有關照片。

莊思明 Instagram 截圖(已遮去空中服務員資料)

莊思明 Instagram 截圖(已遮去空中服務員資料)

對於被指涉嫌犯《私隱條例》,莊思明在 IG 回應說「我問過律師,我並無犯法因為我沒有公開個人資料例如身份證、電話、住址等等!希望你明白。」有網民問她如何得到服務員名單,莊思明就說「我不會影響我朋友,有咩事我一個人負責,要怪就怪我一個人!多謝你嘅體諒!」。

莊思明是中國光大控股(HKEX: 0165)前身「明輝發展」創辦人及前主席莊寶的三女兒。莊思明的胞姐,莊思敏和莊思華都是藝人。莊思明 2010 年參與香港小姐競選,獲得季軍,之後簽約無綫電視,與公司藝人楊明相戀。

與男友楊明同撐警

去年底區議會選舉,外交部駐港特派員公署 Facebook 專頁上載了一條由 40 多位藝人拍攝的片段,內容主要目的是呼籲用選票向暴力說不。莊思明及其姊莊思敏為其中一員。

另外在 12 月中,莊思明跟楊明以及多名藝人,到訪了警察總部的警察公共關係科(PPRB),向警隊的「付出」表達謝意。當次會面,亦獲 PPRB 總警司郭嘉銓、高級警司江永祥,以及曾經主持警方記者會的總警司謝振中接見。

發表意見