被強制「安心出行」 A 類食肆炮轟 「生意再跌三分一」、「地鐵巴士又唔使?」

食物及衞生局宣佈收緊各類食肆的防疫規定,由 12 月 9 日起,使用「安心出行」流動應用程式的規定將擴展至所有受法例 599F 章規管的處所,包括 A、B 類食肆、戲院、美容院及主題公園,屆時所有進入這類處所的顧客均須先使用「安心出行」。(見另稿)有 A 類食肆負責人對政策表示不滿,料生意額將會至少再下跌三分一;亦有食客指,以後會減少外出用膳。

位於葵興、做街坊生意的珍味泉越南粉老闆李小姐質疑防疫政策往往針對食肆。

現行措施下,A 類食肆限坐 2 人,僅可提供堂食至下午 5 時 59 分,顧客毋須使用安心出行。位於葵興、做街坊生意的珍味泉越南粉老闆李小姐指,疫情本已令生意跌了一半,新防疫政策下,料生意額將會至少再下跌三分一,「因為有啲公公婆婆佢無手機嘛,咁就自然唔會嚟啦」。她質疑防疫政策往往針對食肆,「地鐵、巴士又點解唔使呢?好密集喎,啲病菌唔通去到嗰度會直接消失?」她認為政策不得民心,深感無奈。

位於石硤尾學校區域的 A 類食肆膳心小館負責人林先生亦擔心,政策會為長者、學生及低下階層造成困難,認為政府沒有顧及弱勢群眾的需要。他表示,當初選擇做 A 類食店,在於眼見有老人家不識字、沒有手機,尤其是深水埗、石硤尾地區有最多板間房和窮人,「我哋餐廳最平㗎啦喺石硤尾」。

街市強用安心出行一星期,街坊、職員和檔主依然未慣,街市處處怨聲載道。

「係咪要家長每人買部電話畀仔女先」

「做得 A 舖,都係有原因㗎,一定預生意少。」林先生說,當初生意至少小三成,新措施下料再少兩成生意。問及會否轉型為 C 類食肆,他稱問題並非他不想轉,而是有需要平衡基層市民的社會需要。林先生又批評支持食肆全面用安心出行的餐飲聯業協會會長黃家和,「佢憑乜嘢代表飲食業?有冇代表到小店?大集團當然講得風騷,小店根本唔可以受惠」。

林先生認為,政策本身存在執行上的矛盾,「好多學校都係唔帶得手機,佢(學生)又要食早餐午餐,又要用安心出行,係咪想玩個學生?」他又質疑,強制用安心出行「係咪要家長每人買部電話畀佢(子女)先,依家黃金商場都無平機啦」。他建議政府應先與學校商議好,方考慮推行。

堂食顧客 Joel 表示,自己本身只會去可以填紙的食肆,對「安心出行」沒有私隱存在隱憂,措施實施後,「會少出去食,我又唔係一定要去餐廳食嘢」。她說:「填紙係人嘅自由嚟㗎嘛,有啲人真係無電話嘅,你依家強制,不如下下攞身分證登記食飯啦」。食客馮小姐則稱,對政策絕對服從,「邊度需要就邊度嘟囉,呢樣係對大家都好㗎嘛,我鐘意食呢間都係因為佢嘅味道,有同冇(安心出行)我都係嚟。」

拳館負責人:應予人選擇自由

經營拳館的拳手曾正怡認為,新措施會影響拳館運作,因不使用安心出行程式的客人「一半一半,有啲客人唔鐘意就唔上嚟,覺得私隱度會比較唔安全」,她預料將損失兩至三成收入,又說政府未諮詢業界,認為政府應先作諮詢,亦希望不要一刀切,要給予人們選擇填紙的自由。

編輯推介

    發表意見