立場新聞 Stand News

【西貢公路擴闊】燈蛾撲火的交通規劃

2020/3/3 — 10:39

一人一信向政府反對(三月三號 今日截止):http://bit.ly/2T6DWXq

路政署宣布西貢公路改善工程(第二期)方案,原本雙線雙程嘅路段,將擴闊為四線雙程,期望改善日益惡化嘅塞車問題。 

途經西貢市的路段亦會由現時兩線,擴闊成四線雙程行車(路政署)

途經西貢市的路段亦會由現時兩線,擴闊成四線雙程行車(路政署)

廣告

當初塞車問題點解會惡化?西貢假日一向遊人眾多,許多訪客本身經已揸車出入,繁忙時段已經好塞。但近年起,西貢有至少 1,400 個住宅單位落成(見下圖)。未來西沙路十四鄉嘅新地項目,仲會起成 9,500 個單位。塞車惡化,首先為連串錯誤發展所引起。

廣告

更新:西沙路十四鄉項目,已於2019年初獲城規會通過,將建大概9,500個單位

更新:西沙路十四鄉項目,已於2019年初獲城規會通過,將建大概9,500個單位

西貢本身係被郊野圍繞嘅墟市,只有南北兩條、穿越鄉郊嘅公路。作為來往香港東面後花園嘅重要交匯點,西貢公路不少運載容量,相信已供訪客客流使用。因應西貢本身嘅定位同限制,本來就唔應該承受更多大型住宅發展。但城規會、規劃署審視規劃申請時,根本無認真考慮過呢一點。宜家西貢居民又要因政府嘅疏忽,承受居住環境被破壞嘅惡果。

雖然擴闊至四線,的確能令公路容納更多車流,但並不會有效地改善整體嘅交通問題,因為最後只會吸引更多人(尤其訪客)揸車出入。綜觀外國先例,雖然公路擴闊後行程初期會快左,卻往往會因條路闊左、吸引更多人選擇揸車,而又好快飽和。以不斷起路、擴闊去改善塞車問題,就好似燈蛾撲火,最後都好可能係事倍功半。條路太多車,就好似不斷食、撐大左個胃,又再食更加多,形成一個惡性循環,稱為「供給誘導需求」(Induced Demand)。

「供給誘導需求」(Induced Demand)

「供給誘導需求」(Induced Demand)

為了改善全球最塞嘅 405 號州際公路,洛杉磯政府用左 4 年半時間同 11 億美元擴建行車線。然而擴闊後,公路嘅行車時間居然仲多左一分鐘。(StreetBlog USA)

為了改善全球最塞嘅 405 號州際公路,洛杉磯政府用左 4 年半時間同 11 億美元擴建行車線。然而擴闊後,公路嘅行車時間居然仲多左一分鐘。(StreetBlog USA)

與其擴闊公路,其實有幾個更加有效嘅辦法,去改善西貢公路塞車嘅問題:

泊車轉乘計劃:鼓勵大家泊低架車、轉巴士出入西貢。當區區議員何偉航曾經同運房局提出建議,但局方表示不可行,因為西貢公路無大型集體運輸系統。(巴士:Am I a joke to you?)如果加強現時公共運輸服務,喺區內外尋覓適當場地作泊車轉乘設施,再附以路線直接、班次頻密嘅巴士路線接駁,相信吸引力極高。

沿路設單車徑:西貢公路長 6.1 公里,由沿途村落踩單車往返西貢市,只需半個鐘左右。若有單車徑,更多西貢居民就能夠以單車代步,從而減少繼續揸車嘅誘因。少左人揸車,塞車得以舒緩,公共運輸嘅可靠性同吸引力亦都會提高。呢個良性循環,不單能夠減少碳排放,仲可以減少環境破壞同噪音污染。

局部改善樽頸位:何偉航指出,只需喺沿線十個位置進行局部改善工程,已經能夠處理樽頸位,同埋減少巴士小巴上落客對流量嘅影響。

雖然西貢公路現時真係好塞,擴闊至四線彷彿係最直接嘅解決辦法。但西貢公路沿途有唔少林木同濕地,擴闊工程必定會破壞西貢寶貴嘅生態和鄉郊面貌。工程亦需要向沿線嘅村落收地,將對居民生活造成重要影響。再講,西貢市中心嘅泊位一直緊拙,若擴闊後勢必有更多車進入西貢市,將市內嘅泊車、塞車問題加劇。

西貢區需要停止過度發展,並且積極鼓勵使用公共運輸往返,才能真正改善公路擠塞、以至西貢市嘅交通問題。

一人一信向政府反對(三月三號 今日截止):http://bit.ly/2T6DWXq

參考資料:

【西貢塞車】師奶組隊數車計流量 向城規會反狂建新樓 (香港01)
新地西貢十四鄉項目倍增至9,500個單位 申請獲城規會通過(香港01) 
路變窄一定塞到死?路拓寬一定好順暢?供給誘導需求(高雄好過日)
A Great Big Freeway — Thanks to Induced Demand (StreetBlog USA) 
西貢暢達交通不是夢 — 擴闊道路不是唯一答案(工黨何偉航) 


Justin Yim medium 
街道變革 Street Reset

發表意見