【觀塘音樂噴泉】假日逾百市民圍觀 有人除口罩玩水 職員提醒保持社交距離

造價逾半億的觀塘海濱音樂噴泉周四啟用,不少市民一家大細來欣賞噴泉及嬉水,有父親稱已連續兩日帶同兒子到來玩,讚揚說「香港就係需要呢啲嘢」;但亦有市民擔心衞生,稱玩水會去泳池。

記者下午一時許到場觀察,有逾百名市民來到音樂噴泉,有中年女士稱自己特意由荃灣到來,「搭車搭咗一個鐘」。其中,在互動嬉水區遊玩的小朋友更是玩得渾身濕透,部分脫掉口罩,有職員提醒要戴口罩及保持社交距離。

居住在附近的退休人士葉先生稱,自己已連續兩日帶同兒子到來,今日更是玩了近兩小時。他坦言,自己不熟悉工程,難以衡量半億造價是否值得,但就認為小朋友玩得很開心,「香港就係需要呢啲嘢」。他又稱,類似噴泉在大陸一般商場都有,香港應多多學習。陳太亦與子女到場拍照留念,她表示,噴泉規模「好似細咗啲」,當是一個景點走走亦無不可,但就未有讓小朋友嬉水。她笑言,「小朋友一定係想玩嫁啦,但玩水都係去泳池,衞生啲,呢度又沙又泥」。

另外,音樂噴泉每日會有三至五節表演,現場不乏市民特意提早到場等侯。在20分鐘的表演期間,噴泉噴出不同形態水柱,最高有近十米,有小朋友隨水柱及音樂搖擺,不少市民舉起手機拍攝影片,又與噴泉自拍。但至結束時,僅有零星掌聲,有市民稱,「吓,完嫁啦」、「都唔知做咩」。大學生葉小姐表示,音樂噴泉近日多人談論,自己順道過來看看,認為噴泉造價逾半億,但規模比想像中小,畫面不太壯觀。她指,表演看過一次就夠,未必會再來或介紹予朋友,亦感現場人多,擔心有傳播病毒風險。

觀塘海濱音樂噴泉周四啟用,但最大的嬉水區昨日一度遭圍封,記者昨亦發現互動嬉水區有噴咀無水出,今日未有再見到噴泉故障,有康文署職員到場視察。

編輯推介

    發表意見