立場新聞 Stand News

譚文豪學做廚、洗埋碗 … 我想起蘇軍入侵捷克

2020/12/12 — 10:14

見到飛機師譚文豪去咗開茶餐廳、學做廚、洗埋碗,竟然令我想起喺我出生果年,蘇軍入侵捷克。

當年蘇聯出動 40 萬士兵、6,000 輛坦克入侵捷克,鎮壓當年「布拉格之春」民主運動,面對蘇聯嘅軍事鎮壓,捷克人無力抵抗,部份捷克人選擇逃離捷克,大部分留下嘅捷克人,喺極權治下,不能說真話,每天都要面對荒誕離奇嘅事。

Milan Kundera 寫嘅 Unbearable Lightness of Being 就係以呢個時代作為背景,故事後來拍成電影《布拉格之戀》,電影主角 Tomas 係腦科醫生,喺蘇軍入侵捷克之後,因為唔肯為政權塗脂抹粉,唔肯跟隨大家講大話,亦唔願意離開自己嘅故鄉,結果,不單止唔能夠再行醫,而且要做清潔工人、以抹窗為生。

廣告

直到我 21 歲果年,即係蘇軍入侵捷克 21 年後,亦係中共鎮壓 89 民運果一年,柏林圍牆終於倒下,捷克人捱過漫長黑夜,終於建立一個民主自由嘅國家,那已經是 21 年後的事,喺呢 21 年,有多少捷克人喺極權治下,為了追求一個更美好的社會而付出巨大的代價、經歷了多少的荒謬。

喺極權治下,只會有更多荒誕、扭曲人性嘅悲劇出現,願天佑我城、天佑香港人。

廣告

(​原文無題,題為編輯所擬)

作者facebook

發表意見