立場新聞 Stand News

遊客來香港做甚麼?

2018/2/15 — 10:29

鴨寮街 l 資料圖片 l Banalities @ flickr —Attribution 2.0 Generic (CC BY 2.0)

鴨寮街 l 資料圖片 l Banalities @ flickr —Attribution 2.0 Generic (CC BY 2.0)

旅發局今年將以《香港故事》為題,向旅客宣揚本港的地道生活文化,其中包括設立博物館,並在深水埗區搞活動,令旅客更深入了解香港人的日常生活。

我估旅發局唔會帶遊客去蘇屋邨果頭,參觀青山道兩旁那些舊樓點樣拆晒之後,改建到面目全非,沒有原本的街道文化,跟附近街坊格格不入。旅發局會搞下鴨寮街導賞團,帶遊客幫襯下公和豆腐鋪,或搵下明哥傾下偈。如果面皮夠厚,仲會帶佢地去新亞遺址,對住D新起嘅高尚住宅,幻想下錢穆先生以前點樣喺度教書。

作為推廣旅遊的機構,不再單單以遊客量取勝,靠主題公園或購物團殺晒,即使裝模作樣都好,開始以本土情懷為賣點,在意識上,總算有非常輕微的進步。但諷刺的是,這些拿來吸客的文化資本,卻被社會上的權貴和精英看做低端的、欠競爭力、等著被淘汰的東西。

廣告

最經典者,莫過於領展對美輪美奐的商場設計有無比執著,不斷迫小商戶花巨款裝修翻新整靚門面,甚至嫌棄人家,索性不租畀果啲老老土土的小店。誰不知這些文化沈澱了幾十年嘅活化石先至係寳。不少遊客來香港,就是為了欣賞這些有本土特色的東西。如果唔係,旅發局點解唔搞下導賞團,帶遊客參觀領展旗下果d靚靚嘅商場呢?

 

廣告

#領展 #正PK

作者 facebook

發表意見