Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2021/2/18 - 10:06

遍地煙花,又係無警時份?

瘟疫大流行的 2021 年,沒有維港煙花,但農曆新年期間接近二百宗市民放煙花報告,往年只有鄉村地方燒炮仗熱鬧一下,今年鬧市將軍澳、油麻地、九龍灣處處煙花,最神奇係附近不遠處已有警署,擺明剃忠誠勇毅眼眉喎!咁都得?真係對一哥不敬。

最奇係鬧市中天眼處處,居然一個人都捉唔到,就似 721 回魂,叻哥話我唔知我睇唔到?

片段所見,不少規模誇張,放足幾分鐘,以為返左去 1967 年以前,未有因左仔發起暴動而禁止放煙花的香港。

廣告

究竟係知道警察不會干預至安心上路放煙花?或係大膽推測以忠誠勇毅的能力放左都捉唔到?又或者鄉親父老已經拍左膊頭,比個機會大家高興吓,拍熄埋天眼?

如果以上皆錯,只係大膽狂徒漠視法紀,咁就要問邊個令市民不尊重法例。法治不公,只靠嚴刑峻法管治,加上以瘟疫為由迫人安心上路民不聊生,另一邊廂,

一哥心直口快同你講清楚,警員要知法犯法,免得比人捉到又要官判得輕比人鬧,如此種種,市民咪學光頭sir一句:你咁做我係唔會驚㗎!

無警時份的快閃煙花,打了忠誠勇毅一巴掌,為香港人吐了一口氣,元宵端午中秋節還會有嗎?