立場新聞 Stand News

醫療專業人士的責任

2018/5/25 — 14:05

資料圖片,來源:pixabay.com

資料圖片,來源:pixabay.com

首先感謝各位讀者代我問呢位獸醫攞文獻證據,亦都多謝醫生搵咗幾份學術文獻,但係我真係有啲失望,因為醫生搵嗰啲文章同佢自己嘅arguments冇咩關係。但我覺得更重要嘅係兩件事:

一、我覺得作為醫療專業人士,其中一個責任係做學術同通俗知識中嘅橋樑。當然我而家半隻腳踏入公共衛生,就更加責無旁貸。而獸醫都唔例外,我地唔可以因為自己privileged而講未經證實嘅醫學知識,特別係用「可能」呢啲字去宣傳啲「沒有人做過正式研究的研究」嘅諗法(呢啲猜測作為hypothesis去自己研究就冇問題,但唔係直接就當係事實)。雖然網上平台嘅對話唔係正式嘅醫學諮詢,但普羅大眾都可能因為我哋嘅專業資格而將我哋私底下講嘅嘢照單全收。所以我先咁堅持要澄清呢位獸醫喺自己account講嘅嘢,因為我唔希望見到有讀者受誤導,並唔係我想網路欺凌。

圖片來源:作者 Facebpok

圖片來源:作者 Facebpok

廣告

二、我寫呢個blog其中一個好重要嘅目的係提高普羅大眾嘅科普知識,而唔係將自己擺得高高在上。我相信with greater power comes greater responsibility,如果我要cite文獻去「教育」市民,我會確保佢哋睇得明,而唔會好似獸醫先生咁assume讀者唔識睇文獻而冷嘲熱諷。

廣告

更重要嘅係,佢搵返來嘅文獻根本九唔搭八,有啲仲要同佢自己講嘅野立場相反,亦都提出唔到任何證據證明疫苗會令本身有HPV感染嘅女士出現病變。

我非常失望,點解會有醫療界專業人士亂咁用啲唔關事嘅文章支持啲錯嘅arguments,仲要大條道理。

小妹而家好忙,無時間慢慢反駁,喺呢到轉貼同學 Vyanne Chan 陳熹彤 嘅回應,比大家參考(請移玉步去嗰邊睇下佢提出嘅文獻)。

醫生,有關第三點的討論,主要是想你證明打HPV疫苗會致癌(尤其子宮頸癌)。醫生你並沒有針對我的疑問提出相關的study第一份study發現自體免疫疾病不會因打HPV而有所增加;而吉巴氏綜合症(GBS)則每100,000個人,發現有1-2個個案(0.002%)。

第二份study更沒有發現疫苗會導致多發性硬化症(Multiple sclerosis)以及其他中樞神經系統髓鞘脫失疾病(CNS ADS)。而研究發現有subject(只有24個,而subject亦不是曾打HPV疫苗)在打疫苗後的30天內有CNS ADS徵狀,但30天後並沒有顯示此關聯,因此疫苗可能激活自身免疫系統。不過,任何感染都能激活自身免疫系統,包括傷風感冒。閣下亦不會說,傷風感冒會引致MS/CNS ADS,莫講會引致癌症。

至於第三份study,我找不到study的full article版本,只見expert opinion一行寫:The current HPVv are both effective and generally safe. However, it should be noted that autoimmune side effects have been reported in several studies. Further research should be done to understand the relationship between HPVv and autoimmunity;表示疫苗安全,有「several studies」顯示有autoimmune side effects(是否有疫苗「引致」仍有待證明),並需要更多研究才能證明兩者的關係。

我做了少少literature search,的確,疫苗引致自身免疫系統疾病的爭議不斷。要數研究比比皆是。甚至有research有近4百萬subjects,結果顯示疫苗並沒有與MS/CNS ADS有任何關聯 (https://www.ncbi.nlm.nih.gov/pubmed?holding=ihkumlib&otool=ihkuhklib&term=25562266)。

不過,這些都不在討論範圍以內,因為,醫生您並沒有證明HPV疫苗會導致子宮頸癌。

 

(標題為編輯所擬,原刊於作者 Facebook

 

發表意見