圖片素材來源:RTHK 直播截圖

【醫管局移民潮】公共醫療醫生協會會長凌霄志稱醫生移民犠牲大 若決意要走「加人工都冇用」

醫管局主席范鴻齡今日(13 日)透露,醫管局全職醫生及全職護士流失率比去年同期上升,並推斷這與部分醫護人員移民有關,形容情況令人擔憂(詳見報道)。公共醫療醫生協會會長凌霄志接受《立場》訪問時,指專科醫生移民其實並非易事,「要放棄好多嘢」。他又說,醫生亦只是政治氣氛洪流下受影響的一員,而政府一系列的「動作」及「消息」,的確令社會被白色恐怖籠罩,令人對社會失去信心。

凌霄志表示,在現時社會政治氣氛的洪流下,不少人選擇移民,醫生亦不能豁免。但他慨嘆,其實作為專科醫生,移民並非輕易,「我哋要去外國,其實要放棄好多嘢嘅,可能係做唔返自己想做、本身做緊嘅專科,甚至乎可能係做唔返醫生嘅,因為我哋嘅執業試,或者執照唔係世界通用㗎嘛」。他解釋,情況就如外地醫生來港一樣,需要通過一些考核才可在港執業。

「要走嘅時候,加人工係冇用嘅」

凌霄志又提到,雖然醫管局有人才挽留的措施,「不過如果你真係移民嘅話,啲人才挽留嘅措施其實係冇乜幫助嘅」、「因為其實要移民走嗰啲,而家係犠牲好多嘢走,咁佢都要走嘅時候,你啲加人工、升職嘅話,其實係冇用嘅。」凌指政府必定要反思自己的管治方式,了解為何人民對社會失去信心,才能真正解決問題。

凌霄志又指,其中一個醫管局員工離職的原因,與「宣誓」問題亦可能有關,「以我哋同消息人士嘅溝通,到而家呢一刻為止,冇人講得到醫管局員工係咪需要宣誓,宣誓係咪淨係管理層。咁呢個不確定性,係令到大家更加不寒而慄嘅。」

編輯推介

    發表意見