立場新聞 Stand News

長康邨不是淘大 2.0

2020/2/11 — 1:54

長康邨

長康邨

疫症面前,我地更加要保持冷靜、理性,唔會比恐慌控制我地。作為 Page 嘅管理員,我都知大大隻字「淘大 2.0」好搶 focus,好吸 reach,但我都有責任傳播返正確消息。

重要事情要講三次:
長康邨不是淘大 2.0。長康邨不是淘大 2.0。長康邨不是淘大 2.0。

作者製圖

作者製圖

廣告

淘大花園當年大型爆發係因為 U 型渠設計根本上出錯,所有單位 U 型渠去水位都獨立連接,唔連洗手盆等,以致容易乾涸,令到隔絕病毒嘅功能失效。而長康邨嘅 U 型渠係並沒有呢個問題,U 型渠連接洗手盆等可保持唔會乾涸。長康邨可能傳播原因係第二名患者單位中,連接排氣管嘅接駁位唔緊密,可能引致傳播。呢個可能只是個別單位問題,唔同淘大花園咁,係設計本身問題,影響全部單位,要睇下長康邨內有幾多個單位條排氣管有接駁不緊密嘅現象。

當然現階段冇人斷言到最後長康邨有幾多單位有呢個問題,或者最後有幾多患者,我亦絕對唔係話長康邨冇一定唔會有傳播風險,但兩個屋苑嘅問題本質上係唔同,希望大家了解清楚。而今次有關部門馬上疏散居民嘅做法,我個人覺得已經係好 play safe,係好進取嘅防止傳播手段,去盡可能減低傳播。當然凌晨疏散居民、開記者會可能會嚇親大家,但希望大家了解清楚後,可以保持謹慎,但唔好過份恐慌。

廣告

#以正視聽

題外話講多少少:U 型渠倒清水已經做到阻隔病毒傳播效果,唔使倒漂白水㗎!
啱啱我父親睇完新聞都即刻攞咗支漂白水出嚟,比我糾正咗haha

參考:籲勿漂白水倒 U 渠 何栢良:清水即可


Comment 亦有相信係工程師嘅朋友比咗佢嘅意見同睇法,大家可以再自行了解下,再判斷。但都係嗰句,所有資訊都冷靜看待,小心求證,唔好過份恐慌。

「我睇新聞就話係氣喉問題,而佢個問題係氣喉冇駁去室外,基本工程佬都知奶嘢奶喺邊,氣喉冇出街,即係全部菌直接由去水位經氣喉排落下一層。以事論事,當氣喉有問題,冇駁出街,咁的確唔係淘大 2.0 嘅,因為問題唔同囉,但唔代表冇問題」
 

作者 facebook

發表意見