Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2019/11/26 - 17:20

開心一日都唔得?咁點同強國鬥命長

區議會選舉市民用選票表態,能夠斬妖除鼎,大家瘋狂慶祝開香檳,係呢幾個月來最開心的一晚,相對以為自己係沈默大多數的人灰頭土臉,我地梗要笑到出聲,然後好多人不斷鬧唔應該開心,因為係好多人的犧性才得到的勝利。

會唔會太 mean 呢?就係因為記掛犧牲左生命同前途的手足,我哋出盡全力要家人朋友去投票,先做到嚇死特衰政府同保皇黨的效果,我哋開心係因為對得住手足,比全世界知道我哋用最文明的方法抗爭而且勝利,重奪地區話語權,更絕對不會忘記仲有在理大留守的手足,但六個月啦,香港人的忿怒、哀傷、抑鬱令大家做咗阿愁好耐,如果連一點輕鬆都容不下,以後的日子個個情緒病又點同強國鬥?

今次泛民主派大勝,阿爺以後肯定會更大力打壓香港人,要保持民意下次送更多同路人入立法會監察政府,希望當選的議員,尢其年輕的素人能夠盡快成為一位稱職的區議員,做到地區椿腳,運用你所擁有的資源,為居民服務之餘,讓社會大眾明白手上的一票真的能讓香港更好,蛇齋餅粽讓你飽吃一餐,議員能議政監察政府才能讓社會更公平公義。

廣告

Be Water ,爭取民主公義願能如流水般流入社會每一個範疇,然後扎根茁壯才能保護香港。