立場新聞 Stand News

青年就業的困境

2020/6/21 — 19:12

過去一年,由社會風波至新冠肺炎疫情,香港經濟受到嚴重影響,失業率持續上升。當中青少年嘅失業率尤其突出,相信嚟緊有大量畢業生進入求職市場後,情況更見惡劣。政府早前喺「保就業」嘅措施中,表示會創造大約3萬個有時限嘅職位。勞工處亦會改善「展翅青見計劃」,希望藉此支援參與嘅學員。以上嘅「及時雨」,對一眾青年嘅實際幫助有多大?長遠而言,青年就業問題可以點樣紓緩?
2020年6月20日香港電台第一台 -政壇新秀訓練班《第六十三集》請到香港社會服務聯會業務總監—黃健偉先生來到節目分享與討論:青年就業的困境,當中亦有政壇新秀們嘅提問~~

過去一年,社會運動同肺炎疫情對香港經濟造成嚴重打擊,失業率大幅上升。喺目前嘅經濟寒冬下,首當其衝嘅莫過於工作經驗相對較少嘅年青人。  根據統計處數據,20-29 歲組群嘅失業率由舊年五至七月嘅百分之 5.6,上升至今年三月至五月嘅 9.3,15-19 歲組別嘅失業率亦突破一成六。  對於唔少今年畢業嘅中學生或大學生嚟講,畢業後好大機會要加入失業行列。

有見及此,政府喺「保就業」計劃中提出喺未來兩年創造大約3萬個有時限的職位、聘請超過1萬個公務員,以及僱用約5,000名短期青年實習生等。  同一時間,勞工處亦嘗試完善「展翅青見計劃」,包括考慮調升在職培訓最高為期6至12個月嘅津貼、增加年輕學員嘅工作實習訓練津貼金額; 另外亦計劃增加「就業‧起動」計劃名額,並增加資助畀參與嘅非政府機構。

廣告

但措施好似同年輕人嘅期望有相對落差。根據香港青年協會嘅調查,有四成二受訪青年表示 無聽過「保就業」計劃嘅建議措施,五成二人對全職公務員以外嘅職位反應冷淡。 另外,亦有超過一半人期望政府能夠資助開設創意工業或社會服務等行業職位,點解政府嘅政策未能呼應年輕人嘅期望呢?當中又有咩空間去改善?

另一方面,喺民間層面,香港社會服務聯會分別喺近日推出第二輪「抗疫失業慈善基金」及有5月已接受申請嘅「自僱青年支援計劃」,由私人企業贊助,向疫情下失業或就業不足的家庭、青年自僱人士及自由工作者提供現金援助,紓緩他們的經濟困難。

廣告

今日嘅嘉賓從事社會福利事務多年,佢嘅經驗可以點樣為青年人面對嘅困境指點迷津呢?而政府同非政府組織嘅措施可以有幾大成效,去改善目前嘅年輕人就業困難?  今集政壇新秀訓練班,請嚟香港社會服務聯會業務總監 黃健偉,同各位傾傾啦。

有請 黃健偉
 

發表意見