立場新聞 Stand News

食肆禁堂食 教會天橋放枱櫈 坐下的銷售員林先生:多謝政府畀呢個考驗香港人

2020/7/30 — 15:38

政府禁堂食令今日(30 日)第二日,亦是最後一日生效,多個民間組織自發提供空間予市民進食。旺角潮語浸信會中午 11 時半至 2 時在旺角行人天橋放置五張枱、十張櫈供市民進食。

傳道人吳彬彬指,反應比想像好,午飯時段總共有約 30 名市民在場進食,「本身以為無人來,始終好似有啲傻,只係想做咗先。」他指,昨日看新聞知道很多低下階層無地方食飯,馬上動員教友商討,如何可「服侍」有需要街坊,最終今日試行,「反正我哋有枱櫈,就搬落來方便人經過就可以坐低。」

傳道人吳彬彬

傳道人吳彬彬

廣告

在附近商鋪做售貨員的林先生,午餐是咖哩飯,自言在天橋食飯都幾「特別」,情況已比昨日好,「琴日好似乞兒咁,喺公園食」。他午飯時間經過天橋,發現有這個空間,形容是感受到人間溫暖,「估唔到仲有好心人,感受到香港人都係要靠自己,靠自己最實際。」今日有消息政府明日放寬早、午堂食,林先生嘆,「佢鍾意點就點啦,始終要食飯」「香港人成日畀人玩,邊個玩我哋心知肚明啦」。問他對政府防疫有何評價,他誇張地說:「好好!全世界最好嘅政府,畀到香港人好好嘅考驗,可以做到咩都無感覺,幾惡劣嘅環境都可以生存到。」

廣告

孔先生和曾先生在另一枱食麥當勞,二人原本相約到金魚街購物,沒有食飯打算,怡巧經過就「坐低食個包」。他們則認為,政府改變態度屬「肯認錯」表現,「個個國家都冇經驗,所有嘢都係試出嚟,唔啱就轉」,曾生笑言:「坐呢度都 OK 啊,幾凉,靚位來。」

由元朗來旺角做產檢的夫婦也在橋上休息,先生指,出門前也曾苦惱到哪裡午膳,「大肚婆大食,頂唔到咗多個鐘,本來都係打算附近搵下地方」。他批評政府推出政策「唔夠深思熟慮」,「除咗打工仔,仲有好多市民係要出門,佢係影響晒所有人。」

發表意見