Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2020/3/24 - 9:35

飲酒係親密關係的直接源頭!?

3 月 23 日,特首林鄭月娥與一眾主要官員宣布相關武漢肺炎的最新防疫措施。

3 月 23 日,特首林鄭月娥與一眾主要官員宣布相關武漢肺炎的最新防疫措施。

不禁聚會不關閉娛樂場所卻禁酒吧食肆賣酒?香港政府又一震驚世界柒出宇宙之作,外星人應該來研究下港府高官的腦袋,如何想到這些神邏輯。

根據林鄭現時的性格行為,不難想像佢應該自細就係孤獨星球人,無朋友時間多只好讀書考第一來平衡比人笑孤獨精的缺陷,覺得去玩、開派對、飲酒就會「酒能亂性」比人呃上床,所以斷定飲酒係發生親密關係的直接源頭!

親密關係的定義係乜?上床親吻拖手搭膊頭定搭檯?

廣告

飲果汁後會唔會有親密關係?

飲湯後會唔會有親密關係?

係酒吧食肆飲酒會發生親密關係?係 7 仔買酒會唔會發生?其實係咪想禁止大家有親密關係?

近期確診武漢肺炎人士中有在蘭桂芳食肆工作的員工及食客,可能特衰政府認為外籍人士普遍防疫意識不高,拒帶口罩,卻又不能明示,想到外籍人士因為喜歡飲酒才去蘭桂芳,禁酒就可以減低誘因,真係「天才」!

立法禁酒吧食肆做生意可能會引起業界要求政府補助,單純禁酒,酒吧做唔住就係關人鬼事。林奠果然係攬炒之母港獨推手,善於激嬲不同畀別,將正常腦袋的人都推到政府對面,而一眾問責(係?)及行會成員,竟然無一個人會覺得此建議有問題及制止,真係痴痴呆呆坐埋一檯。

林鄭在記者會上哭腔呼籲勿違反隔離令:「如果這個時候,由於很小部分的人,故意違反家居檢疫令,出去打波、食車仔麵,而導致社區爆發,我請問他們對唔對得住這班同事?」點解次次哭腔都出錯位?不單不能引起同情,假情假義的鱷魚淚令人厭惡。醫護一早叫你封關,拖拖拉拉到今日仍未完全封關,更加發動罷工後的秋後算賬,社區若爆發,最需要負責任的是特衰政府,最對唔住醫護同事的人係林奠!

用打波、食車仔麵的例子更反映在林鄭心中,會違反法令的都係社會「Have no stake」之人,根本無留意近期確診個案中富豪、有錢外遊、外國回來人口的比例,這些都不是基層市民。

香港在疫情大國旁邊,關口任由帶菌者自出自入而確診病例仍算低,全因為高質素的香港人不信任政府的抗疫能力及社區自救,與特衰政府無關。