立場新聞 Stand News

香港人每人一萬,警察每人有幾多?

2020/2/26 — 15:36

作者製圖

作者製圖

第一,講返清楚,全民一萬蚊唔係派,係回水,因為錢係我地香港人嘅。

第二,看似好開心,可能好多人都等緊一萬蚊,幫輕一下家庭,但係大家記得上次派 4,000 蚊嗎?到依加都仲有街坊未拎到,如果 8 月先申請到,而呢個叫紓困嘅話,都幾好笑。

第三︰香港 18 歲以上永久性居民一共 630 萬,涉及 630 億左右,但係三萬警察喺今次財算案,拎咗 258 億,當中再買六架裝甲車,警暴無日無之。一萬蚊只係掩口費。

廣告

第四︰雖然有耐都未拎到錢,但我地要令到呢一萬蚊用得其所。有能力、唔係等呢一萬蚊開飯嘅大家,希望大家可以捐去唔同嘅地方,例如以下三個方法︰

  1. 捐去各個抗爭相關嘅基金,支援運動及被捕手足;
  2. 購買及分享防疫用品比有需要嘅基層(睇下錢嚟得快,定係疫症走得快);
  3. 捐去或用作成立自己行業嘅工會,組織同業,擴大民主陣營嘅政治能量;

政府想用一萬蚊嚟收買香港人,我地就話返比政府聽「不要一萬,只要三萬!」我地要三萬個警察,所有做過唔見得光嘅、虐待過香港人嘅、毆打過年輕人嘅,全部繩之於法!

廣告

 

作者 Facebook

發表意見