立場新聞 Stand News

香港醫療腹背受敵,戴穩口罩、坐穩。

2020/7/14 — 23:27

圖係舊圖,純粹想提醒下大家過去五年十年香港醫療體系係一直幾咁水深火熱。(圖片來源:作者 Facebook)

圖係舊圖,純粹想提醒下大家過去五年十年香港醫療體系係一直幾咁水深火熱。(圖片來源:作者 Facebook)

啱啱睇完袁教授見記者有感:

香港,緊接病毒源頭嘅中國,加上長年嚴重超負荷嘅醫療體系,可以喺呢個世紀大疫症中勉強守住過半年,確實係一場奇蹟中嘅奇蹟。而呢一場奇蹟,真係得來不易,係每一個香港人極度警醒,守望相助先做到。

今日,伊院同一個病房出現三個確診案例,醫院戰線開始有失守嘅跡象。一旦醫院呢條防線失守,後果不堪設想。希望大家記得,2003 年香港沙士爆發,就係喺威院內開始,單單威院爆發群組,令到超過 200 人染疫,當中 100 人為醫護。

廣告

今日香港離失守前所未有咁近,但香港人嘅警覺性遠遠低於 1 月。明白大家都有抗疫疲勞,我都會有,呢點可以理解,大家唯有盡力做好。

然而,某啲政治團體,卻堅持佢地嘅冥頑不靈嘅信條,時至今日,繼續堅持好似十二歲反叛少年咁,係都要反其道而行嚟突顯自己有幾特立獨行。喺度不厭其煩再呼籲一句,如果你或者你身邊仲有呢啲迷雲信徒,打算用佢地嘅熱血就可以神奇抗疫嘅話,希望你勸一勸佢地,成熟少少,唔係乜都同世界大勢反轉嚟做就啱㗎,唔好咁幼稚啦。

廣告

今時今日,喺香港做醫療真係好恐怖。一方面要面對政府嘅無能、長能積壓嘅問題,另一方面仲要處理啲冥頑不靈,永遠覺得「眾人皆醉我獨醒」嘅反智者。

香港要守落去,唯有靠仲有智慧嘅大家。


係,呢個 post 基本上係純發洩。
喂呀,我地一班醫學生而家終於開返學,應該無論再點爆都唔會停課。
我地日日人心惶惶,就係多得呢個政府同埋呢班反智者。
不過都係嗰句,我地面對嘅挑戰都係工作緊嘅前輩嘅九牛一毛。

 

作者 Facebook

發表意見