立場新聞 Stand News

黃店小印計劃

2019/11/13 — 8:34

立場新聞圖片

立場新聞圖片

前文請教下大家關於一啲對黃色經濟圈嘅嘢,幾位網友都分享唔少。

思前想後,覺得將黃色經濟力分散到其他知名度較低嘅店鋪,係非常重要一環。

黃色經濟力難以分散,有好多原因,但最重要不外乎三個:

廣告
  1. 唔知有其他選擇;
  2. 無誘因咁做;同埋
  3. 要做到的話成本太高。

我知道有厲害網民已經製作黃色經濟 app,幫大家搵黃店。 哩個係好,但係依然有點被動。

我度咗一度,覺得有個方案幾好,可以一次過滿足上面三個原因,令黃色經濟力分散。

廣告
  1. 有勞文宣組朋友為每區建立一個黃店地圖,印大佢成海報,派比各黃店在門外張貼;
  2. 每區挑選幾個「重點黃店」— 總之係成日爆滿,排隊排到傻嘅;
  3. 重點黃店自己製作一大堆印有自己店名嘅「重點黃店印仔」;
  4. 網民幫手將哩啲「重點黃點印仔」派比同區其他黃店;
  5. 消費者來到重點黃點,見要大排長龍的話,可以去海報上其他黃店消費;
  6. 其他黃店賣單時可在單上蓋「重點黃店印仔」,交消費者;
  7. 重點黃店排隊開兩條龍,一條普通消費者,一條手執有印仔嘅單。後者優先,例如每兩位有印仔先到一位無印仔嘅。

成個計劃簡單,易辦,成本低,高效。

今次小弟初次為黃色經濟圈獻計,唔知 work 唔 work。大家不妨比下意見,有能力者不妨推廣下,功德無量。

 

作者 Facebook

發表意見