本土研究社製圖

點解環評連個人工島都唔見咗?

【點解環評連個人工島都唔見左?】

政府噚日揀咗幾間環團當做諮詢,今日就立即向環境諮詢委員會(環諮會)交咗個環評項目簡介(Project Profile),話要開展幫明日大嶼人工島做環評。只係過咗一日就當諮詢完立即上會,可見今時今日公眾意見真係賤過地底泥。

民意梗係要被「精簡程序」,但係依家政府交嗰份環評張圖,原來連個人工島確實個邊界都未準備好,島上嘅用途完全未有概念,就照交上去話要環諮會做環評,程序上完全亂到一個點。

你交出嚟個島上面嘅具體用途乜都冇,做動物實驗室定核電廠都唔知(只係透露可能會有個焚化爐),連個島個形狀同邊界又冇,你突然變番 2,000 公頃同縮到成為一個「睇你唔島」更加唔知,你教我究竟要評估一個「估你唔島」乜嘢環境影響?

負責準備嘅公司 ARUP(奧雅納工程顧問)收咗前期人工島研究撥款 2.2 億,其實早前已經收過一次團結香港基金錢做人工島代言,個董事聲稱「數據顯示」個島嘅浪唔會高過 2 米,被天文台前台長林超英即時駁斥有記錄過 5 米,今日連政府都承認咗唔係事實。依家交份咁「估你唔島」嘅環評文件,又再一次打破咗啲所謂專業顧問團體嘅底線。

雖然我地完全唔收財團政府錢做研究,但都要講句公道說話,你收得人 2.2 億咁多錢做研究,就要有番做研究基本嘅倫理,門面都唔該交番 2.2 億嘅貨仔出嚟,依家連個人工島有幾大都冇就照交功課,當然可以當公帑係必賺生意或者當交功課,但係代價就係做衰做爛自己個朵,雖然佢地可能唔太介意。

我地會繼續跟進環評研究成個過程,好戲將會陸續有嚟,關注明日大嶼人工島嘅朋友都係時間開工喇!

 

#估你唔島
#環評來了
#開始做野
#明日大嶼
#填海 #人工島 #保護海港條例
#必賺生意

參考資訊:
坪洲填海關注組對人工島開展法定環評程序之回應
#慳啲啦:明日大嶼環評研究斬件上馬 睇完工程簡介圖嚇一跳
【嶼箭在弦】明日大嶼會唔會連環評都過唔到?

研究到底 月捐撐起土地研究分析
FPS ID:5390547
HSBC PayMe 捐款支持
戶口號碼:匯豐銀行 640-198305-001 (LIBER RESEARCH COMMUNITY (HK) COMPANY LIMITED)

義工招募

原刊於本土研究社 Facebook

編輯推介

    發表意見