立場新聞 Stand News

《100 毛》東方昇觀塘噴泉洗澡諷「小白象」工程 康文署不點名籲著重公德

2021/4/24 — 23:51

圖片素材來源:100毛 片段截圖

圖片素材來源:100毛 片段截圖

造價逾半億的觀塘海濱音樂噴泉周四啟用,毛記電視藝人「東方昇」今(24 日)到場直播,諷刺噴泉是「小白象」工程,並謂政府使用公帑,即每名市民都「有份起」,「既然佢咁樣打劫我哋,梗係用盡呢個設施喇係咪先?」隨後即在嬉水區脫去外衣,並使用梘液作狀洗澡。康文署晚上回覆傳媒查詢時指,有市民在嬉水區使用梘液,已圍封有關範圍清潔,並不點名批評,「市民使用遊樂場地設施時要著重公德」。

東方昇今午身穿藍色 T 恤到場時,形容噴泉是「政府興建小白象工程」,他諷道,現場有很多市民參觀,「梗係喇,我好贊成,點解呢?計計下,佢攞納稅人錢,每人除開係用咗 $7.14 有份起」,他緊接說,「既然佢咁樣打劫我哋,梗係用盡呢個設施喇係咪先?」

廣告

他續指,決定將噴泉變成自己的「露天浴場」,「用到佢盡」,語畢即把上衣、褲子脫去,戴上浴帽,僅著卡通短棉褲,然後帶上沐浴用品,到嬉水池一邊用浴棉搽沐浴露,一邊同現場小朋友玩鬧,又拿出玩具笑指「水炮車都帶埋來」,不久之後又道,「呢度最大問題,啲水柱啲水太弱 ... 政府畀警署啲水炮車咁鬼勁啲水,呢度渣到沖涼都沖唔到。」

場地人員期間上前,嘗試制止,「先生你咁大個,唔可以喺度除晒衫㗎」,東方昇辯稱自己有穿褲,雙方溝通一會後,有旁觀市民亦上前批評,影片末段他似是妥協,「好喇好喇,有份畀錢,連沖個涼都唔得」。

廣告

康文署晚上回覆傳媒查詢指,署方今日(24 日)發現有市民在音樂噴泉嬉水區內嬉水時使用梘液,為免影響其他使用設施的市民,及防止市民滑倒,場地職員已即時阻止,並圍封有關範圍清潔,受影響的嬉水區在清潔完成後已重開,署方呼籲,「市民使用遊樂場地設施時要著重公德,不要對他人造成妨礙或滋擾。」

發表意見