Rosina

Rosina

非牟利機構工作十多年,自覺係好人一個,愛生活,愛自由,希望簡簡單單開心過日子。

2020/12/31 - 15:40

2019-20 — 我們的三年零八個月已過一半

資料圖片

資料圖片

以前聽外婆講三年零八個月時幾慘,日本仔一入村就男的打女的強姦,每次哨兵知道日本仔去到隔離村時,未結婚的女仔已要搵鑊燶搽面,跑入農田的禾稈草堆避難,有時一等幾日,餓到暈至比家人帶返屋企。日本仔搶走糧食仲要人鞠躬行禮,好多年輕女仔被帶走或被強姦後自殺,個個家庭都有傷心事,聽著令人難過憤恨當時日本軍隊的殘暴。

想不到,太平了幾十年的香港在 2019-20 又再有殘暴不仁的事在發生,比日軍佔領香港的情況不遑多讓,只係當年軍人係公然犯罪,如今特衰政府係公然扮正義去傷害香港人,公義不彰萬多人被控,受警隊暴打而不求醫的人更不計其數,警員編出來的假證供又無罪,最可笑係一群權利薰心的人,被人洗腦失去良知仍沾沾自喜。車公顯靈,天眼恢恢疏不漏果然在年尾趕找數,在最近的防止罪案辦公室的宣傳海報中,驚謊中人就講真話,公開話你知真相係被佢地用謊言掩蓋,仲要係用拉鏈,想拉幾低露幾多真相,或者完全收埋都得,最強例證就係 721 元朗恐襲,一日無真相,香港人不會忘記 。

如果 2019-20 係我們的三年零八個月,已經過了一半,想像當年外婆都曾以為世界不會變好,日本仔永遠佔據香港,但香港淪陷了又光復過來。 2021 香港人要更團結,對不公不義不可習慣,時刻警惕頭腦清醒,除了要守住香港的核心價值,更要守住我地的銀包,在無氈無扇神仙難變的情況下,只能以我地的消費行為表明心跡。2021, 我祝各位平平安安,眼清目明辨正邪。

其實阿PK, ER ER SIR, 乃強,光頭蛇條拉鏈向上定向下拉嘅呢? #大蛇褲鏈 #拉上得拉落又得 #721幾時拉 🔻支持林卓廷Patreon: https://www.patreon.com/cheuktinglam...

Posted by 林卓廷 LAM CHEUK TING on Thursday, December 24, 2020
廣告