立場新聞 Stand News

2020 年啦 希望大家學識 Fact-check

2020/3/30 — 13:08

各位讀者們,唔知你地留唔留意到呢兩日我個 page 每個 post 無論內容係咩,都充斥一大堆「黃店都賣銀離子呀!」同埋攻擊我係「偽科學 L」既謾罵。事源係我早前指出陳雲老師所促銷既銀離子搓手液冇科學實證 [1] ,結果時至今日一直比一班「銀離子信徒」攻擊緊,大家有興趣可以望下我 page 啲 review 佢地點用咩粗口,幾有趣。

佢地攞出左最新「證據」,指「銀離子搓手液」有「美國官方認可」,呼籲一班支持者「一係就洗佢哋版,一係就 tag 佢哋入來」。我決定回應多最後一次:

一)打開對眼啦。#所謂美國官方認證,佢地係大肆廣傳我既幅圖中既表(佢地係 cut 走左上面啲字既),就指 Axen(R) 呢隻消毒產品有效消滅武肺病毒。但其實大家(如果識英文字既話)只要用三十秒入去個美國官方網站 [2] 睇一睇就會見到,表格上面,網站特登用紅色字粗體表明,官方 #並沒有認可表中產品 (does not constitute an endorsement),我完全唔明點解各位信徒可以將 does not constitute an endorsement 理解為「美國官方認可」,然後係佢地圈子中如獲至寶咁瘋狂廣傳,然後再號召要黎洗我版。

廣告

二)咁呢個係咩表?睇真啲,呢個係 human coronavirus #CLAIMS 既表。可能信徒們唔識啦,#Claim 既意思係聲稱。即係呢個表只係官方整合一個列表,話比巿民知有咩產品係「聲稱有效」,或者係產品所 #推廣功用 係殺冠狀病毒,比佢地參考,但絕不代表官方認可(no endorsement)。

三)醒目既讀者睇過我上次嗰篇,都知講科學證據幾嚴謹。就算假設 Axen(R) 有證據有用,#都唔代表你嗰隻咩凝膠有用。

廣告

今次已經唔係要大家睇咩學術論文啦。一個咁簡單既網站兩句英文字都睇錯,然後當係可靠證據咁廣傳,想點先?一係就佢地少少英文字都唔識(我相信佢地水平咁高一定唔係),一係就係冇心求證,#刻意想斷章取義曲解證據 去支持佢地想支持既陳雲老師「銀離子搓手液」,但求冇人踢爆佢地就得。

到有人好似我咁指出真相啦,佢地就只會偷換概念,係我每一個 post comment「黃店/Donki 都賣銀離子」,鬧我雙重標準,然後係 page review 洗我片比零粒星我,用粗口鬧我,鬧到我怕。

我唔回應「黃店/Donki都賣銀離子」係因為我已經係 page 分析過一次我對「銀離子」既睇法,無需要不停係我個 page 重覆相似內容。我既 page 讀者絕大部份都有腦,知道陳雲賣既「銀離子」無科學實證,#自然都會知黃店銀離子一樣無科學實證。要我每日係 page 就同一個 issue,只要全世界仲有人賣緊 silver product 我就要出一個 post,我呢個 page 唔使營運落去架啦。就好似我指出朱凱迪既布口罩效用成疑後 [3],咪又係日日有人用同賣?我又係咪要每日出 post 監察全世界每個賣布口罩既人,#要每日重覆出一樣內容既post?我有好多其他更重要既事值得用呢個渠道同我萬幾個讀者分享[4],而唔係回應某部份人既批鬥謾罵。

————————————————
都係嗰句,2020年,唔好人云亦云,盲目為左支持自己要支持既領袖、派系,就唔睇證據啦。跟車太貼,會炒架。

————————————————
[1] 【 科學Fact-Check系列 — 陳雲博士「銀離子凝膠」 】

[2] List N: Disinfectants for Use Against SARS-CoV-2

[3] 【 布口罩究竟有冇用??? 】

[4] 有用資訊:【 FIRST AID! 呢面呀!國際線要你地呀! 】
 

作者 Facebook

發表意見